கலைந்து போகும் கனவுகள்.

நீயும் நானும் நாமாகும் போது

தீதும் நன்றும் தானாயுணர்வோம்

தாயும் சேயும் நாமானாலும்

காலம் போடும் கோலம் வேறே

காதல் கொண்ட மனமது துள்ளும்

காண்பதுவெல்லாம் அவளென சொல்லும்

உணர்வுகளெல்லாம் அவளாகி போகும்

தேகமோ தவித்து உண்ர்வதை கொல்லும்

சகலமும் நீயென சரணாக செய்தே

கவிதைகள் எல்லாம் சரமாய் பறக்கும்.

காதலும், காமமும் மனமதை வெல்லும்,

சடுதியில் ஒரு நாள் நிதர்சனம் புரியும்.

கானல் நீரா இதுவென புரிபடுமுன்னே

கனவாய் அனைத்தும் கலைந்தே போகும்.

நீயும் நானும் நாமாகி இருப்போம்.