பாலைவன வெட்டுக்கிளிகள் - 4
பாலைவன வெட்டுக்கிளிக் கூட்டத்தைக் ( Locust Swarm ) கட்டுப்படுத்தி , விரட்டி, பயிர்பச்சைகளைக் காக்கும் இயற்கை முறை :
1. புங்க மரத்து இலை (பசுமையான இலை ) ( புங்கன் ) : ஒரு கிலோ
2. வேப்பமரத்து இலை ( வேப்பிலை ) : ஒரு கிலோ .
3. அகத்தி இலை : ஒரு கிலோ .
4. சுத்தமான மஞ்சள் தூள் : 200 - 250 கிராம்
மேற்கண்ட நான்கையும் நன்றாக மை போல அரைத்து ,
ஐம்பது - அறுபது ( 50 - 60 ) லிட்டர் தண்ணீரில் , நன்றாகக் கரைத்து , தெளிப்பான் ( sprayer ) மூலமாக , பயிர் செய்யப்பட்டிருக்கும் வயலின் ஓரப் பகுதி ( outer border ) களில் வளர்ந்திருக்கும் மற்ற மரஞ்செடிகொடிகளின் மீது தெளித்து விடவேண்டும் . ஓரப்பகுதிகளில் மற்ற செடிகொடிகள் எதுவும் இல்லாவிட்டால் , ஓரப்பகுதியில் இருக்கும் பயிர்ச்செடிகளின் மீதே தெளித்துவிடலாம் .
இந்த கலவை , பாலைவன வெட்டுக்கிளிக் கூட்டத்தைக் ( Locust Swarm ) கண்டிப்பாக முழுமையாக விரட்டிவிடும் .
மற்றபடி , இரசாயன மருந்துகளைப் பயன்படுத்துவது , அல்லது , சிலவகை இலை தலைகளைக் கொண்டு புகைபோடுவது ஆகிய இரண்டும் மிக மோசமான பக்கவிளைவுகளை ஏற்படுத்துமே தவிர , வெட்டுக்கிளிகளை விரட்டாது .(நான் பொறுப்பிலிருக்கும் அமைப்பு கண்டறிந்த முறை )
Arul Kumar SP
#foodsecurity
#DesertLocus
இது நல்ல வழிமுறையாக, எதிர்வினை இல்லாத வழிமுறையாகத் தெரிகிறது.
பதிலளிநீக்கு