23 அக்டோபர் 2020

பெண்களுக்கு ஆண் துணை வேண்டும்.,!

 ""பெண்களுக்கு ஆண் துணை வேண்டும். சிங்கிள் மதராக இருப்பது எளிதான விஷய்ம் இல்லை“  வனிதா

ஆணோ, பெண்ணோ தனித்து வாழ்ந்து சாதித்தவர்கள் அநேகர் தான். அதெல்லாம் அவரவர் வாழும் சூழலை பொறுத்தது. 

கணவன் எனும் பெயரில் ஒருவர் இருந்தும் இல்லாமல் நேர்மையாக நிமிர்ந்து வாழ்ந்து , உழைத்து தன்னையும், தன் பிள்ளைகளையும் பாதுகாத்து, படிக்க வைக்கும்  பெண்களை என்ன சொல்விர்கள்? 

எப்போதும் மேல் தட்டு பணக்கார செலிபிறட்டி  சமூகத்தை வைத்து  நிஜ உலகு குறித்து முடிவுக்கு வர முடியாது. வரவும் கூடாதுங்க..! 

பெண்களுக்கு துணை என்பது ஒரு குறிப்பிட்ட காலம் வரைக்கும் தான். அதுக்கு பின் அவங்களே பக்குவப்பட்டு விடுவார்கள். ஆண்கள் இளவயது  திமிரில் துணை வேண்டாம் என்பர், வயது போன பின்பு யோசிப்பார்கள். 

அதே போல் ஒரு பெண்ணுக்கு துணை என்பது கணவனாக  மட்டும் இல்ல.. மகன், பேரன், நண்பன், அண்ணன் தம்பி சகோதர உறவில் கிடைக்கும் பாசம், கொஞ்சம் அக்கறை கூட போதுமாக இருக்கும். ஆனால் ஆண்களால் அது முடியாது. 

இன்றைய சூழலில் பலர் ஒரே வீட்டில் மனதாலும், உடலாலும் பிரிந்து குடும்பம், கௌரவம் என்று வாழ்ந்து கொண்டு தான் இருக்கின்றார்கள். 

சேர்ந்து வாழ்வோர் பிரிந்து வாழ, பிரிந்து வாழ்வோர் சேர்ந்து வாழ ஆசை படுவது தான்யதார்த்த நிலை ( அக்கரை மாட்டுக்கு இக்கரை பச்சை ) 

அவ்வளவு தான்..! 

அப்படியே இதையும் பாருங்கோ..



வனிதா பெண்ணிய வாதியும் இல்லை. சிங்க பெண்ணும் இல்ல..!

 ஏமாந்து போவது.. ! 

நமக்கான நம்பிக்கை துரோகங்கள் தானே ஏமாற்றத்தை தரும்? 

ஒரு பெண் ஏமாந்து போனாள் என்றால் அது அவள் அறியாமல் செய்யும் ஒரு விடயத்தில் நம்பிக்கை பொய்த்து போகும் போது தானே? நம் எதிர்பார்ப்பு, அன்பு நம்பிக்கை பொய்க்கும் என்றே தெரிந்து கண்ணை மூடி கொண்டு செயல்பட்டு அதன்  பின்  வரும் விளைவுக்கு பெயர் ஏமாற்றம் இல்லை.

வனிதா விடயத்தில் அவ தெரிந்து செய்யும் அத்துமீறல்களை ஏமாற்றம் என்று சொல்ல முடியுமா? தெரிந்து தானே தனக்கு பப்ளிசிட்டி தேடி கொள்கின்றாள்?  

திருமணம் என்றொரு வீடியோ... என்ன நடக்குது என்று அறிய அதை பார்த்து தொலைத்தேன். அது சர்ச் வெட்டிங் இல்லை, அவங்க வீட்டில் செய்தாங்க.. இது பொம்மை கல்யாணம் என்று தான் உடனே நான் யோசித்தேன்.. அதுக்கேற்றது போல் அடுத்த நாளே அது லீகல் இல்லை. இல்லீகல்.. எங்க திருப்திக்கு செய்தது ( முதல் மனைவியை உரசி பார்க்கும் திட்டம்) என்று அறிக்கை விடடார். 

அன்று இல்லீகல் என்று சொன்ன பிறகும் என் ஏமாற்றம் வரணும்?

முதலில் அவள் எதை தேடுகின்றாள்? 

அவள் தேடலின் விளைவு இன்னொரு பெண் பாதிக்கப்படும் நிலையில் யார் இங்கே பரிதாபத்துக்கு உரியவர்? 

                      "பெண்களுக்கு ஆண் துணை வேண்டும். சிங்கிள் மதராக இருப்பது எளிதான விஷய்ம் இல்லை. என் மகளுக்கு அப்பா வேண்டும். தினமும் அவள் வாழ்க்கையில் சந்தித்து, அவளோடு வாழும்படியான ஒரு தந்தை வேண்டும். அது இல்லாததால் டாடி இஷ்யூஸ் வருகிறது. எனக்கே இந்த வயதில் அப்படி அப்பா இல்லாததால் தான் இப்படி பீட்டர் பாலிடம் போய் விழுந்தேன்" - வனிதா 

                        ஏற்கனவே திருமணமான ஒருவன், அந்த பெண்ணுக்கு உண்மை இல்லாதவன் இவைக்கு மட்டும் உண்மையாக இருப்பான் என நம்புவது யார் தவறு? அந்த முதல் மனைவி நிலை என்ன?  அவளும் பெண் தானே?  

இவர்கள் போல் பெண்ணுங்க இன்னொரு பெண்ணுக்கு, குழந்தைக்கு செய்யும் ஏமாற்றம் அநீதிக்கு யார் வீடியோ விடுவது? 

தன்னை பற்றி மட்டும் சிந்திக்கும் பெண். தன் குழந்தைங்க மன நிலை குறித்து யோசிக்க வேண்டாமா? 

அந்த பெண்குழந்தைகள் இவரின் செய்கையில் எத்தனை அவமானங்களை எதிர்கொள்ளுமோ? யாருக்கு தெரியும்? 

இத்தனை வயதுக்கு பின் அந்த டீன் ஏஜ் பெண்களுக்கு இன்னொரு அந்நிய ஆண் அப்பாவாக மாற முடியுமா?  இல்ல அவனுக்கு தான் அந்த பிள்ளைகளை தன் பெண் குழந்தை எனும் பாசம் வருமா?

அப்பா இருந்தால் இதெல்லாம் நடக்காது என்கின்றார் பாருங்கோ. அங்கே தான் இந்த வனிதாவின் கெட்டித்தனம் இருக்குது. எல்லோரையும் நல்ல ஞாபக மறதி கேஸ் என்று நினைத்து கொண்டாள்.அவள் என்ன அள்ளி விட்டாலும் பாவம் பரிதாபம் என்று இல்லை திட்டி தீர்த்தும் தனக்கு வருமானம் தேடி தருவாங்க என்ற நம்பிக்கையை எல்லோரும் காப்பாத்தி இருக்கீங்க.( உங்களுக்காக geogle  ல் தேடினேன். Comment link  உறுதி படுத்தி கொள்ளுங்கோ) 

அப்பா இருந்தால் இதெல்லாம் நடக்காது என்கின்றார். ஆனால் அவர்கள் அப்பா இருந்த போது அப்பாவை மதித்தது இல்லை.

அப்போதும் பெற்றோர் பற்றி கண்டபடி பேசி அவமானப்படுத்தினர் என்பது என் நினைவு. 

பெற்றோரையும், கூட பிறந்தவர்களையும் மிக கேவலமாக பேசி குடும்பத்தை சந்தி சிரிக்க வைத்தார் என்று அதுவும் இதே மீடியாவில் தான் விவகாரமானது. 

இது இன்னும் எத்தனை காலத்திக்கு....! உடலில் அழகும்,கவர்ச்சியம்  இருக்கும் வரை தானே எல்லாம்? 

அப்புறம்..? 

இங்கே பலர் ( முக்கியமாக பெண்கள், அதுக்கு 100, 1000 க்கணக்கில் லைக் வேறு )  அவவின் தைரியத்தை பாராட்டி ஆதரவு தந்து எழுதும் அளவுக்கு வனிதா பெண்ணிய வாதியும் இல்லை. சிங்க பெண்ணும் இல்ல. நல்ல முன் மாதிரியும் இல்லை. 

வனிதா நல்ல வியாபாரி...! 

வனிதா தான் செய்யும் பிழைகளை  மறைத்து தனக்கு  சார்பாக பேசி பரிதாபம் அல்லது அவமானம்  ரெண்டிலும் காசு சம்பாதிக்க தெரிந்து கொண்ட நல்ல வியாபாரி. தன்னை மூலதனமாக்கி சம்பாதிக்க தெரிந்த யதார்த்தவாதி. அவர் வளர்ந்த, வாழ்ந்த சூழலில் அது தான் அவருக்கு தெரியும். இது தான் முடியும். 

இதை கணவனை இழந்து அல்லது பிரிந்து வாழும் சாதாரண பெண் தானும் தன் பிள்ளைகளும் உயிர் வாழனும் எனும் நிலையில்  பிழைக்க வேறு வழி இன்றி  செய்தால் அவளுக்கு எங்கள் சமூகம் கொடுக்கும் பெயர் வேறு . 

தன்னம்பிக்கையோடும் ஆளுமையோடும் வாழும் ஏழைப்பெண்ணுக்கு ஒரு நீதி.. இம்மாதிரி உடல்  அழகை மூலதனமாக்கும் பெண்களுக்கு ஒரு நீதி. 

மாற வேண்டியது அவள் அல்ல ., எங்கள் சமூகத்தின் சிந்தனை.

எனக்கு இந்த டாப்பிக்கே எழுதும் இஷ்டம் இல்லை. ஆனால் நம்ம பெண்ணுங்க பலருக்கே பல புரியல்ல எனும் போது பேசிதானே ஆகணும்.

வனிதா பெண்ணிய வாதியும் இல்லை. சிங்க பெண்ணும் இல்ல


18 அக்டோபர் 2020


 பிரிவு என்பது காயம் 

யாராலும் குணப்படுத்த முடியாது. 


நினைவுகள் என்பது பரிசு 

யாராலும் திருட முடியாது. 


உணர்வு என்பது உயிர்ப்பு 

யாராலும் பிரிக்க முடியாது 


மனம் ஒரு குரங்கு 

தாவிக்  கொண்டே இருக்கும்


உறவு என்பது  வடு 

எவருமே  நிரந்தரம் இல்லை


வாழ்க்கை என்பது அனுபவம் 

அதை வாழ்ந்து தான் உணரணும்


இறப்பு தருவது நிம்மதி 

அனைத்திலிருந்தும்  விடுதலை

{( நிம்மதி) உண்மையா என்று எனக்கு தெரியல்ல🙄  உங்களுக்கு தெரியுமா.,? }


17 அக்டோபர் 2020

ஆங்கோர் ஏழைக்கு எழுத்தறிவித்தல்'..!

 “  பசித்தவனுக்கு தொடர்ந்து மீன்  பிடித்து கொடுப்பதை  விட  மீன் பிடிக்க கற்று கொடு” 

மீன் பிடிக்க கற்று கொடுத்து விட்டால் போதாது.. ..மீன் பிடிக்கும் உபகரணம்  பெற்றும் கொடுக்க வேண்டும்..! 

மீன் பிடிக்க உபகரணமும், அறிவும் போதுமா.. ? 

இல்லை! 

மீன் பிடிக்க கூடிய  சூழல் வேண்டும்..! 

மீன் கிடைக்கும் எனும் நம்பிக்கையும், பொறுமையும், விடாமுயற்சியும் வேண்டும்..! 

( ஆறு, கடல், குளம் போன்ற நீர் நிலைகள் இல்லாத இடத்தில மீன் பிடிக்க மட்டும் தெரிந்திருப்பது பயனற்று போகும்) 

எங்கள் ஈழத்தமிழ் சமூகத்தின் மீட்சிதிட்டங்களுக்கு இவ்வாறான ஒருங்கிணைந்த ஒரு முனைப்பு தேவை. 

நாம் செய்யும் உதவிகள் தற்காலிகமானதாக இல்லாமல் நீண்டகால தூர நோக்கத்தில் எங்கள் தமிழ் சமூகத்தை தெளிவும், உறுதியுடனும் மீட்சி படுத்துவதாக இருக்க வேண்டும் என்று பல வருடங்களாக திட்டமிட்டு சிறுவர் கல்வி மேம்பாடு எனும் இலக்கில் கடந்த வருடம் மட்டக்களப்பில்  சில முன்னேற்பாடுகளை எடுத்திருந்தேன். 

இவ்வருடம் இலங்கை சென்று நேரில் அனைத்தையும் ஒருங்கிணைத்து ஆரம்பிக்கும்  திட்டம் இருந்தது. எனது உடல் நிலை மற்றும் கொரோனா வைரஸ் lockdown  காரணமாக எதையும் செயல் படுத்த முடியாத நிலையில் ... இன்னும் ஒரு வருடங்களும் அதற்கு மேலும் காலத்தை விரயமாக்கி  காத்திருப்பதை விட

வடக்கு,கிழக்கு,மலையக தமிழ் மக்களின் 

கல்வி தரத்தை மேம்படுத்தும் முயற்சியில் ஐந்து வருடங்களாக ஏதிர்கால இளையோர் சமூகத்தின் கல்வியின் முக்கியத்துவம் உணர்த்தும் பணியில்  E-Kalvi Charity Inc.

அமைப்புடன் இணைந்து மட்டக்களப்பில் கிராமத்து பள்ளி ஒன்றின் (களுமுந்தன் வெளி ) இலவச கற்பித்தல் வகுப்புகளுக்கான  வருடாந்த செலவுகளை முழுமையாக பொறுப்பெடுத்து இருக்கின்றேன்.  

அங்கும்,இங்கும், எங்கும் என்று அலை பாயாமல் இனி வரும் காலங்களில் என் முழு கவனத்தையும் எங்கள் பிள்ளைகளின் கல்விக்கான பணியில்  செலுத்தி  மட்டக்களப்பில் இன்னும் பல  திட்டங்களை உருவாக்க வேண்டும். 

எமது  ஈழத்து சமூகத்தின் கல்வி மீட்சிக்காக

🔹 வகுப்பறை 

🔹 இணைய, மின்சார இணைப்பு வசதி, 

🔹 லப்டப், ப்ரொஜெக்ட்டர்கள் போன்ற முன்னேற்பாடுகளும், 

🔹 சமூக பற்றும், திறமையும் கொண்ட ஆசிரியர்கள் 

🔹 பள்ளி அதிபதின் ஒத்துழைப்பு 

புலம் பெயர்ந்து வசதி வாய்ப்போடு வாழும் நாங்கள் எமது உதவிகளை கடலில் கரைத்து விடும் பெருங்காயம் போல்  பத்தோடு பதினொன்று என்று  தொடராமல்  சிதைந்து சின்னாபின்னமாகி இருக்கும் எங்கள் பள்ளி மாணவர்களின் கல்வி    மேம்படுத்தும் சவால் மிக்க பணியில் ஒரு பள்ளியை பொறுப்பில் எடுத்து அதன் வளர்ச்சிக்கு உதவி செய்யலாமே ..? 

நீங்கள் படித்த பள்ளியின் தற்போதைய கல்வி தரம் எப்படி இருக்கின்றது? உங்கள், எங்கள் ஊர் பள்ளி மாணவர்கள் கல்வி தரம் மேம்பட  நீங்களும் எங்களுடன் இணைந்து கொள்ளலாமே ..! 



வாய்ப்பை ஏற்படுத்தி தந்தமைக்கு நன்றி  Kumaravelu Ganesan நீண்ட காலம் கிட்ட தட்ட இரண்டுக்கும் மேற்பட்ட வருடங்கள் அவதானித்து தனி மனித விருப்பு வெறுப்புக்களை கடந்து சமுகப்பணிகளை முன்னெடுத்து செல்லும் அர்ப்பணிப்பும், சமூக அக்கறையும், மனித நேயமும் கொண்ட உங்களுடன் தொடர்ந்து பயணிப்பதில் மகிழ்ச்சி ஐயா. 

சாரிட்டி அறிமுகம் தந்தமைக்கு நன்றி Yoga Valavan Thiya ஐயா. 

இப்பதிவுக்கான நோக்கம் ... விருது, விருந்து, பாராட்டு, பெருமைக்கானது அல்ல..!  இது போல் நீங்களும் ஒரு பள்ளியின் முன்னேற்றத்தில் அக்கறை கொள்வீர்கள் எனும் நம்பிக்கைக்கானது.

'அன்ன சத்திரம் ஆயிரம் வைத்தல்

ஆலயம் பதினாயிரம் நாட்டல்

பின்னருள்ள தருமங்கள் யாவும்

பெயர் விளங்கி ஒளிர நிறுத்தல்

அன்னயாவினும் புண்ணியம் கோடி ஆங்கோர் ஏழைக்கு எழுத்தறிவித்தல்'

நன்றி ❣️

#ஆல்ப்ஸ்தென்றல்நிஷா

16 அக்டோபர் 2020

France & Uk அவசரகால நிலை பிரகடனம்!

 France 🇫🇷 

UK ( லண்டன் ) 🏴󠁧󠁢󠁥󠁮󠁧󠁿

கொரோனாவைரஸ் பரம்பலின் இரண்டாவது அலை தீவிரமாவதை தொடர்ந்து  அவசரகால நிலை பிரகடனம்!

🔹 France 🇫🇷  சனிக்கிழமை (17.10.2020) இரவு 9மணி முதல் காலை 6 மணிவரை Paris , Rouen, Lille, St Etienne, Lyon, Grenoble, Montpellier, Marseille and Toulouse. பெரு நகரங்களில் கொரோனா வைரஸ் பரம்பலின் இரண்டாவது அலையை கட்டுப்படுத்தும்  இலக்குடன் ஊரடங்கு அமுல் ! 

🔹Lieferung  கூரியர் செய்யும்உணவகங்கள் 

தவிர்ந்த ஏனைய உணவகங்கள்,  கடைகள் அனைத்தும்  இரவு 9 மணிக்கு மூடப்பட வேண்டும். மக்களது நடமாட்டங்கள் பொலீஸாரால் கண்காணிக்கப்படும். ஊரடங்கை  மீறினால் குறைந்தது 135 ஈரோக்கள் அபராதம் அறவிடப்படும் !

🔹 ஊரடங்கு சமயத்தில் அவசர தேவைகளுக்கு  நடமாடுவதற்கான அனுமதிப்பத்திரம் பெற வேண்டும்.இரவுப்பணி செய்வோர் தொழில் நிமித்தம் ஊரடங்கு நேரத்தில் நடமாட வேலைத்தள அடையாள அட்டையுடன் உள் துறை அமைச்சின் அனுமதிப்பத்திரமும் வைத்திருக்க வேண்டும். பொதுப் போக்குவரத்து வழமை போன்று நடைபெறும்.

🔹 அனைத்து களியாட்டங்கள், விழாக்கள், விருந்துகள் தடை செய்யப்பட்டுள்ளது.

14.10.2020

14 அக்டோபர் 2020

COVID 19 இரண்டாம் அலை..!

 COVID 19 முதல் அலை 

நவம்பரில் சீனா, பெப்ரவரி இத்தாலி உலகளவில் மார்ச் மாதம் Lock down  ஆரம்பித்தது.

இரண்டாம் அலை COVID 20  செப்டம்பரில் ஆரம்பித்து முன்னரை விட மும்மடங்கு வேகமாக பரவுகின்றது. ஐரோப்பா நாடுகள் கனடா, அமெரிக்க எங்கும் மீண்டும் ஊரடங்கு நிலை பகுதி பகுதியாக அமுல் படுத்துகின்றார்கள். 

 எனினும் முதல் அலை, இரண்டாம் அலை இரண்டுக்கும் இடையிலான பாதுகாப்பு, விழிப்புணர்வு நடவடிக்கைகள்  அனைத்து ஐரோப்பிய நாடுகளிலும்மாறுபட்டிருக்கின்றன

COVID 19 முதல் அலையில் நோயை பரவ விட்டு நோயாளிகளை தனிமைப்படுத்தி நோய் தீவிரமடைந்த பின் நூறு, ஆயிரம் நபர்கள் என்றளவில் Corona Virus test செய்து மருத்துவம் செய்தார்கள். அதனால் இறப்பு வீதமும் அதிகமானது. 

COVID 20  இரண்டாம் அலை தடுப்பு நடவடிக்கைகள் குறைக்கப்பட்டு  சோதனைகள்  அதிகரித்துள்ளார்கள்.   இலட்சக்கணக்கானோருக்கு தினமும் ஆரம்ப நிலைகளிலேயே  Test செய்ய பட்டு positiv வருமானால் அந்த நபர் சார்ந்து பழகியோருக்கு அறிகுறி இல்லாமலே test  செய்து விடுகின்றார்கள். அதனால் அனாவசிய தனிமைப்படுத்தல்கள், பயங்கள் தவிர்க்க படுகின்றன. 

உதாரணமாக இப்போது இருமல், தடிமன், காய்ச்சல், தொண்டை வறட்சி, நோ, சுவாசத்தில் வாசனை இல்லை, நாக்கில் சுவை மரப்பு ( இந்த அறிகுறிகள் Covid 19 க்கானது மட்டும் அல்ல )  உங்களுக்கும் கொரோனா  வைரஸ் தொற்று இருக்குமோ என்று ஐயம் இருந்தால் உடனே உங்கள் குடும்ப மருத்துவருக்கு தொடர்பு கொண்டு corona வைரஸ் test செய்ய வேண்டும் என்று கேட்கலாம். இதன் மூலம் நோயானது ஆரம்ப நிலையிலேயே கண்டு பிடிக்கப்பட்டு  கையாளப்படுகின்றது. நோயாளர்களை தனிமைப்படுத்தும் நாள்களும் குறைக்கப்பட்டிருக்கின்றன,

இப்போது நோய் பரவும் வேகத்துக்கு  இழப்புகள் குறைவாக இருப்பதாக ஊடகங்களில் வெளியிடுகின்றார்கள். ஆனாலும் நிலைமையின் தீவிரம் அடுத்தடுத்த மாதங்களில் தான் உணர முடியும். .

✳️ இலங்கையில் சுகாதார துறை முதல் அலையை உலகளவில் சிறப்பாக கையாண்டு  குறைந்த இழப்புகளுடன் கடந்திருந்தது. 

இரண்டாம்  அலையை கையாள்வதில் சற்று பதட்டம்  அடைவதாக தோன்றுகின்றது. எனக்கு இப்படி தோன்றுகின்றதா..? அல்லது கொரோனா வைரஸ் இரண்டாம் அலை குறித்த போதிய தெளிவு இன்மையால் பதறுகின்றார்களா..? 

அப்படியே அவரவர் நாட்டு சூழலையும் இங்கே எழுதினால் கடந்த முறை போல் எமது மருத்துவ நண்பர்களுக்கும், சுகாதார துறை பணியாளர்களும்கும் பயன் படும். 

Covid 19 இரண்டாம் அலை

இதையும் கடந்து வருவோம்

COViD 19 பரவல் தடுப்பு தற்பாதுகாப்பு ஆலோசனைகள் எச்சரிக்கைகள்



இரண்டாம் தடவை. கொரோனா Virus ...!

 சுவிஸில்  ( 14.10.20)   

2,823  நபர்களுக்கு Covid 19  நோய்த்தொற்றுகளை உறுதிப்படுத்தி இருக்கின்றார்கள். 

ஒரு முறை வந்து குணமானவர்களுக்கு இரண்டாம் முறை கொரோனா Virus உள்ளுறுப்புகளில் கடும்பாதிப்பை  உருவாக்குகின்றது..25 வயதான ஒருவர் குறுகிய காலத்திற்குள் இரண்டாவது முறையாக கொரோனா நோயால் பாதிக்கப்பட்டார்.  அவருக்கு இரண்டாம் தடவை. வென்டிலேற்றார் தேவை பட்டது. 

அடிப்படையில், SARS Covid  -2 முதல் முறை நோய்த்தொற்றுக்குப் பிறகு  உடலில் நோய் எதிர்ப்பு சக்தி  ( Immune response) குறைவாக இருப்பதால்  இரண்டாவது நோய்த்தொற்றின் போது உயிரணுக்களுக்கு வைரஸ் அணுகலை அனுமதிக்கக்கூடும் அதனால் இரண்டாவது நோய்த்தொற்று கடுமையாக பாதிப்புகளை

உருவாக்குகின்றது. ஒரே நபரினுள் முதல் முறை தொற்றிய வைரஸ் இரண்டாம் முறை மரபு மாறியும் இருந்தது. 

மேலும் விரிவாக இங்கே : 

Live Science

NPR Org 

படம் : வைரஸ்  நேரடி மற்றும் மறைமுக சேதத்தை ஏற்படுத்தும் உடல் உள் உறுப்புகள்




கொரோனா வந்தபின் வருந்துதல் பெருமடமை...!!

 சுவிஸ் . 

14.10.2020 

ஹோட்டலறி சார்ந்த துறைகள் வருமானம் இன்றி  மீண்டும்  வேலை வீதம் குறையும் வாய்ப்பு என்பதால் உணவு துறை நிறுவனங்களில் வேலை செய்வோருக்கு நவம்பரிலிருந்து  சம்பளம் குறையும். 

( ஆரம்பத்தில் இப்படி எழுதிய போது இங்கே அப்படி எல்லாம் நடக்காது என்றவர்கள்..  இப்போது தங்கள் சூழல் சரி இல்லை என்று பூசி மெழுகுவதை அவதானித்தேன் 😎) 

இவ்வருட கொரோனா வைரஸ் திடீர் lock down சமாளிக்க தொழில் நிறுவனங்களுக்கு  வங்கிகளில் வட்டி இல்லாத கடன் பரிந்துரைத்திருந்தார்கள்.

அந்த கடன்களை திரும்ப செலுத்த வருமானம் இல்லை என்றால் நிறுவனங்கள் காலாவதி ஆகி இழுத்து மூடி விட்டால் .... கடன் கொடுத்த வங்கிகள் நிலை..... அடுத்து வரும் வருடங்களில் வங்கிகள் அரசை நெருக்கும் வாய்ப்பும் உருவாகும். இனி வரும் பொருளாதார நெருக்கடியை சமாளிக்க அரசுகள் திணறி வேறு வழி இன்றி MASK அணிந்து வாழும் அறிவித்தலோடு எல்லாவற்றையும் திறந்து விட்டிருக்கின்றார்கள். 

பள்ளி, கல்லூரிகள்.....? 

இந்த வாரம் சில நாள்கள் யுனிவசிட்டி சில பிரிவுகள் மீண்டும் ஒன்லைன் கிளாஸ்  அறிவித்து இருக்கின்றார்கள்.

ஆரம்பத்திலிருந்து சொல்வது தான் .. இனி வரும் சில வருடங்கள் புதிய திட்டங்கள், முதலீடுகளை தவிர்த்து பணத்தை சேமித்து உண்ணவும், உடுக்கவும், தங்கவும் போதுமென திட்டமிடுங்கள். வேறு எதுவும் வேண்டாம்... உயிர் பாதுகாப்புடன்  ஆரோக்கியமும் முக்கியம்..!

வருமுன் காப்பதே அறிவுடைமை....! 

கொரோனா வந்தபின் வருந்துதல் பெருமடமை...!!


13 அக்டோபர் 2020

பூமி எங்கும் பறந்து திரிந்து வர ஆசை

 எத்தனை ஆசை நிறைவேறும் ..? 

சின்ன பெரிய ஆசை நிறைவேறுமா மக்களே..,🪂? 

உங்களுக்கு இருக்கும்

ஆசைகளை சொல்லுங்கோ...❣️

🔹

பென்னம் பெரிய ஆசை 

பறந்து செல்ல ஆசை 

பூமி எங்கும் பறந்து திரிந்து வர ஆசை 

பூவுலகம் எங்கும் மிதந்து வர ஆசை 


காணும் மனிதர்  எல்லாம் கட்டி அழ ஆசை 

தொட்டணைத்து கன்னம் முத்தமிட ஆசை 

ஆத்தங்கரை நாவல் பறித்து திங்க ஆசை 

குளத்தருகே கோயில் கும்பிடவும் ஆசை 


பள்ளிக்கு சென்று பாடம் படிக்க ஆசை 

பட்டாம் பூச்சி போல பட்டம் விட ஆசை 

பல்லுக் கூச மாங்காய் கடித்து திங்க ஆசை 

பாட்டி வீட்டில் தேங்காய் திருடி வர ஆசை 


கிட்டி புள் தடியை தெறிக்க விட ஆசை 

கிட்டி வரும் மேகம் தொட்டு வர ஆசை 

ஊஞ்சல் கட்டி ஆடி உள்ளம் கொய்ய ஆசை 

கொய்யா மரம் ஏறி கோதி தின்ன ஆசை 


குறுக்குகட்டி கிணத்தில் குளித்து மகிழ  ஆசை 

கிணத்து  நீரை அள்ளி அள்ளிப்பருக ஆசை

விழிமாங்காய் சேர்த்த மீன்சொதிக்கு ஆசை

வழியில்  தொட்டால் சிணுங்கி  தொட்டு வர ஆசை 


துட்டுக்காக ஒட்டு தடுத்து விட ஆசை 

வட்டி வாங்குவோரை வெட்டித்தள்ள ஆசை 

குட்டித் திட்டுவோரை குதறிவிட ஆசை 

குனிந்து வாழ்வோரை நிமிர்த்திவிட ஆசை 


காணும் கனவு உடனே பலித்து விட ஆசை 

பல்லி சொல்லும்சேதி புரிந்து கொள்ள ஆசை 

Face புக்கில்10000 லைக்கு வாங்க ஆசை 

லைக்கெல்லாம் வித்து சைக்கிள் வாங்க ஆசை😎


கொரோனவை இன்றே வென்று விட ஆசை 

கொல்லும் மனிதர் கொள்கை கொன்று வாழ ஆசை 

பென்னம் பெரிய ஆசை, பெட்டி நிரம்ப ஆசை 

என்னென்னமோ ஆசை, எண்ணமெல்லாம் தோசை🤣😜



  விளிமாங்காய்

நாவல்


#ஆல்ப்ஸ்தென்றல்நிஷா

பூமி எங்கும் பறந்து திரிந்து வர ஆசை

10 அக்டோபர் 2020

உலக மனநல நாள் ( அனைவருக்கும் மன ஆரோக்கியம்') Part -2

 'Mental health for all' 

   ' அனைவருக்கும் மன ஆரோக்கியம்'.

                          Part -2 

               1992  ம் ஆண்டு தொடக்கம் ஆண்டு தோறும்  October 10  வெவ்வேறு கருüபொருளில் உலக மனநல நாளாக அனுசரிக்கபடுவதன் மூலம் மனிதர்களின் மனஆரோக்கியம் குறித்து விழிப்புணர்வும் உலகளவில் கவனயீர்ப்புக்குரியதாகின்றது.

2020 கருப்பொருள் 

                 'Mental health for all'

        ' அனைவருக்கும் மன ஆரோக்கியம்'.

இன்றைய உலகில்  மன அழுத்தத்தினால் பாதிக்கபடாதவர்கள் யாருமே இல்லை. விழிப்புணர்வு தரும் உளவியல் ஆய்வாளர்கள், மருத்துவர்கள்,ஆலோசகர்கள், ஜனாதிபதி, பிரதமர், அதிகாரி,  வீட்டில் வேலை செய்யும் ஆயா உள்பட அனைவரும் எதோ ஒரு சூழலில் மன அழுத்தத்தில் 

பாதிக்கபடுகின்றார்கள்.  ஏனைய உடல் சார்ந்த நோய்கள் போல் இது மனம் சார்ந்த நோய். இதில் வெட்கப்பட எதுவும் இல்லை. அதனால் யாருக்கும் வராத நோய் ( Depressive) உங்களுக்குள் இருப்பதான  குழப்பம் வேண்டாம். 

உளவியல் அழுத்தம் உருவாக்கும் மாற்றங்கள் குறித்த அறியாமையும், கவலையீனமும் தான் பலரை தற்கொலை, கொலை போன்ற முடிவுகளுக்கு தூண்டுகின்றது..!

🌻❣️🪂 இதை எழுதும் எனக்குள்ளும் உளவியல் சோர்வுகள் உண்டு. அவைகளை  எனக்கான Positive  ஆக மாற்றி கொள்கின்றேன். எனக்கு பிடிக்காத, பிரச்சனை தரும் விஷயங்களை விட்டு விலகி என் சிந்தனையை புதிதாக்கி கொள்வேன். 

யார் மேலும் குற்றம் குறை சொல்லாமல், யாரும்  புரிந்து கொள்ளவில்லை., அவர்கள் எனக்காக மாற வேண்டும் என்று கவலைப்படாமல்  அவரவர்க்கு தெரிந்தது அவ்வளவு தான் என்றளவில் என்னை தேற்றி  கொள்வேன். 🪂🌻❣️

உங்களுக்கு மனம் குழப்பமாக இருக்கின்றதா..? 

❎  குழப்பமான மன நிலையில் புதிய  முடிவுகளை எடுக்க வேண்டாம். 

உளவியல் அழுத்தத்திலிருந்து எங்களை நாங்கள் பாதுகாத்து கொள்ள சில வழிமுறைகளை  இங்கே காணலாம்.


சுய பாதுகாப்பு பயிற்சி: 

உங்கள் வாழ்க்கையில் நீங்கள் செய்யக்கூடிய பல மாற்றங்கள் உள்ளன.

🔹 சிறு ஓய்வு எடுத்து, உங்களை நீங்களே சுய ஆய்வு செய்து ஏன்..? எதனால்..? 

யாரால் ..? எனும் காரணங்களை ஆராய்ந்து பாருங்கள். உங்கள் குறிப்பிட்ட தேவைகளைப் புரிந்துகொள்வதே சுய பாதுகாப்புக்கான அம்சமாகும். உங்களுக்கு என்ன வேண்டும் என்று நீங்களே கேட்டுக்கொள்ள நேரத்தைக் கண்டுபிடித்து அதற்காக செல்லுங்கள்.

🔹 அவசியம் என்றால் உங்களுக்கு நம்பிக்கையான, புரிந்து கொண்டு உதவ கூடிய குடும்பத்தினர், நண்பர்களை தொடர்பு கொள்ளுங்கள். அவர்களுடன் மனதிலிருந்து  பேசுங்கள்.  உங்களுக்கு வேதனை தரும் விடயங்களை ஒதுக்கி விடுங்கள். 

🔹 விளையாட்டும் ஆரோக்கியமான உணவும், போதுமான நித்திரையும் உங்கள் உடலுக்கு  ஆரோக்கியமானதும் அவசியமானதும்கூட..! 

உங்களுக்கு ஆரோக்கியம் தரும் நீண்ட நடைப்பயிற்சி செய்வது போன்ற 

உடல் பயிற்சிகளில் ஈடுபடுங்கள்.

🔹 வழக்கமான தூக்க நேரத்தை தொடர்வது. உங்களுக்கு விருப்பமான விடயங்களில் ஈடுபடுவதுடன் தொடர் பணிகளுக்கிடையில் ஓய்வு, இடைவேளையை எடுத்துக் கொள்ளுங்கள்.

🔹 உடலை தளர்த்தி அமருங்கள். உள்ளிருக்கும் பயம், மன அழுத்தங்களை வெளியேற்றுங்கள் ( தியானம் செய்யுங்க என்பார்கள்) ஆனால் குழப்பமான மன நிலையில் மனதை ஒருமுகப்படுத்த முடியாது. ஆனால் எல்லாத்தையும் துங்கி போட்டு விட்டு அக்கடா என்று உடல் இறுக்கம் தளர்ந்து அமர முடியும். உடலை லேசாக விட்டாலே உடல் வலிகள் ஓடி விடும். 

🔹 உங்களுக்கென சிறு திடடம், ஒரு நாள் என்று ஒதுக்கி புதிய மாற்றங்களை உருவாக்குங்கள். 

🔹 ஒரு டயரியில் உங்களுக்கு பிடித்த அழகான இனிய நல்ல நினைவுகளை எழுதுங்கள். Positive சிந்தனை தரும் காரணங்களை குறித்து கொள்ளுங்கள். 

🔹 உங்களுக்கு எரிச்சல் தரும் காரியங்களை விலக்கி, உங்களை வருத்தம் தரவென விமர்சிப்போரை விட்டு விலகுங்கள். 

🔹 குழந்தைகள், பொருளாதார சிக்கல்கள், காதல் தோல்வி போன்ற காரணங்கள் எதுவானாலும் அனைத்தும் தற்காலிக பிரச்சனைகளே  என்று உணர்ந்து  கொள்ளுங்கள்.( யோசித்தது பார்த்தால்  கடைசியில் ஒன்றும் இருக்காது ) 

✳️  ( இணையதளங்களில் ) Face book ல் எழுதும் பதிவுகளும் பலர் மனஅழுத்தத்தின் வெளிப்பாடாக இருக்கும். 

✅ பலருக்கு இங்கே எழுதுவதே மன அழுத்தத்திலிருந்து ரிலாக்ஸ் தரும். 

❎ இணைய வழி நண்பர்கள் பதிவுகளை பாலன்ஸ் செய்ய முடியாதவர்களுக்கு ஓவர் மன அழுத்தமும் உருவாக்கும். இணைய

நட்புகளுடன்  தாமரை இலையும் தண்ணீரும் போல் இருந்தால் எல்லாமே  ஆரோக்கியமாக இருக்கும். 

            “ எண்ணம் போல் வாழ்க்கை“

எங்கள் எண்ணம் நலமாக இருந்தால் வாழ்வும் வளமாகும். 

உலக மனநல நாள் ( அனைவருக்கும் மன ஆரோக்கியம்'. Part -2



உலக மனநல நாள் ( World Mental Health Day) Part - 1

 அக்டோபர் 10 ...! 

                       உலக மனநல நாள்

                ( World Mental Health Day) 

                                 Part - 1 

உறவினர்கள், உறவுகளின் பிரச்சினைகள் 

பணியிடம், பொருளாதாரச் சிக்கல்கள், அடாவடியாக கொடுமைக்கு ஆளாதல், நாள் பட்ட உடல் வலிகள் என்று பல்வேறு பட்ட சூழல்களில் மனிதர்கள் மன அழுத்தம், மனப்பித்து இருமுனையப் பிறழ்வு போன்ற உளவியல் பாதிப்புகளுக்குஉட்படுகின்றார்கள். 

மன நோயின் ஐந்து பிரதான எச்சரிக்கை அறிகுறிகள்: 

🔹நீண்டகால சோகம் அல்லது எரிச்சல்.

🔹உயர்ந்த மற்றும் குறைந்த மனநிலை மாற்றம்.

🔹அதிகப்படியான பயம், கவலை அல்லது

சோர்வு 

🔹சமூகதிலிருந்து விலகி வாழ்தல் 

🔹உணவு அல்லது தூக்க பழக்கத்தில் வியத்தகு மாற்றங்கள்.

உடல், மனபழக்கவழக்கம் தொடர்பில் மாற்றங்களை ஏற்படுத்தும். மன அழுத்தத்தின் பொதுவான அறிகுறிகளை உணர்வு, உடல் மற்றும் செயல் பாடுகளின் மாறுதல்கள் மூலம் புரிந்து கொள்ள முடியும்.


உணர்வு  மாற்றம்

🖤 அதிக கவலை

🖤 மனச்சோர்வு

🖤 பயம் 

🖤 மனப் போராட்டம்

🖤 எளிதில் எரிச்சலுறல்  

🖤 கோபப்படல்

🖤 குற்றவுணர்வு 

🖤 இயலாமை

🖤 வெட்கம்

🖤 தனிமையாக உணர்தல்

🖤 எச்சரிக்கை உணர்வு

🖤 மனக் குழப்பம் / மனக் கலக்கம்

🖤 மனதை ஓய்வாக வைத்துக்கொள்ள முடியாமல் உணர்தல்

🖤 மனதை ஒருமுக படுத்த முடியாமல் அலைபாயும் தன்மை 

🖤 எதிலும் கவனம் செலுத்த முடியாத நிலைமை 

🖤 ஆளுமைச் சிதைவு


உடற்றொழிலியல்  மாற்றம்

🔹 தசைகளில் ஏற்படும் இறுக்கம் 

🔹 கடுமையான உடல்வலி 

🔹 தலைவலி

🔹 நெஞ்சுவலி போன்ற வலிகள் 

🔹 வயிற்றுப்போக்கு (Diarrhoea) 

🔹 மலச்சிக்கல், (Constipation)

🔹 குமட்டல் (Nausea)

🔹 தலைச்சுற்றல் (Dizziness)

🔹 அதிகரித்த இதயத் துடிப்பு

🔹 அதிரினலின் சுரப்பு அதிகரிக்கும்


மாற்றமடையும் பழக்கவழக்கம் :

▪️ மிக அதிகமாகவோ, மிகக் குறைவாகவோ உணவு உட்கொள்ளல்

▪️ அதிக தூக்கம் அல்லது தூக்கமின்மை 

▪️ சமூகத்திலிருந்து ஒதுங்கி இருத்தல்

▪️ வேலைகளைப் பின்போடல் 

▪️ பொறுப்புக்களில் இருந்து ஒதுங்குதல் 

▪️ அதிகரிக்கும் மதுபானப் பாவனை

▪️ போதைப்பொருள் பாவனை

▪️ புகைத்தல் 

▪️ நகம் கடித்தல் போன்ற ஒழுங்கற்ற பழக்கங்கள்.

கணவன், மனைவி, பிள்ளைகள், பெற்றோர், உறவுகள், அயலார், நண்பர்கள், நமக்கு

தெரிந்தவர்கள்  சற்று கூர்ந்து கவனித்தால் அவர்களின் செயல் பாடுகள், உணர்வுகளில் படிப்படியான  மாற்றங்களை அவதானிக்க  முடியும். 

உளவியல் பாதிப்புக்கு அடிப்படை காரணங்கள் என்ன என்பதை ஆராய்ந்து அந்த சூழலிலிருந்து விலகி அன்பு, ஆதரவு கிடைத்தாலே பலர் ஆரம்ப நிலையில் மீண்டு விடுவார்கள். அறியாமை மற்றும் கவலையினம் உயிர் இழப்புக்களை உருவாக்கி விடுகின்றது. 

உலக மனநல நாள் ( World Mental Health Day)



கொரோனா வைரஸ் இரண்டாம் அலை

 என் வசிப்பிடத்தில் இருந்து Swiss , Bern மாநகர பெரிய Insel Hospital, 68 Km தூரம் ( இது சுவிஸ் நாட்டின் அனைத்து New அறிவியல் மருத்துவ தொழில் நுட்ப வசதிகளையும் கொண்ட பிரதான பெரிய மருத்துவ மனை) 

பொதுப்போக்குவரத்தில் ( Bus - Train - Walk - Tram )  பயணத்துக்கு ஒரு மணி நேரம் தேவை ( After OP வேகமாக இயங்க முடியாது என்பதால்  எனக்கு மேலும் 30 நிமிடங்களும் தேவை.) எனக்கு இங்கே தான் கடந்த ஐந்து வருடம் தொடர் check up . மாதம் ஒரு தடவை எனும் check up இருக்கும். ஜூன் மாதத்துக்கு பின் வாரம்  ஒருதடவை என்றானதும்  பொதுப்போக்குவரத்தில் தான் பெரும்பாலும் பயணம். 

🔹

எங்கள் நகர Hospital 6  km  தூரம்.

இரண்டு பஸ் மாறி செல்ல 30  நிமிடங்கள்

கார் பயணம் என்றால் 10 நிமிடங்கள்.

வாரத்துக்கு இரண்டு தடவை ( சில நேரம் மூன்று ) இங்கே பிசியோ தெரபி இரண்டு வருடமாக செல்கின்றேன்.( ட்யூமர் தலை சுத்துக்கு தெரபி) மார்ச்  ஆகஸ்ட் ( Corona virus Lock down ) தெரபிக்கு போகவில்லை . செப்டம்பர் 20 தொடக்கம் மீண்டும் பிசியோ தெரபி ஆரம்பம். 

போன கிழமை வரை பொதுப்போக்குவரத்து 

பயணங்களில் மக்கள் நெருக்கடி இல்லை.  சானிடைசர் தடவி, மாஸ்க் அணிந்து இரண்டு மீட்டர் டிஸ்ட்னஸ்  தூரத்தில் நின்று ( நான் மட்டும் அமரும் இருக்கை😍) என்று கடைப்பிடித்தேன். ஒன்றும் பயமில்லை.

🔹

ஆனால் இன்று.... !?  

07.10.2020. 7.45 க்கு Bern - Insel Hospital நோக்கி பயணம்... நான்கு நபர் அமரும் இருக்கையில் முதல் முப்பது நிமிடம் நான் மட்டுமே..! அதற்கு பின் திபு.. திபு என்று கூட்டம்.  ரயிலுள் அமரும் இருக்கைகள் நிரம்பி நிற்போரும்நெருங்கி... முன் இருக்கையில் ஒருவர் அமர என் வலது  பக்கத்து இருக்கையில் கைப்பை வைத்திருந்தேன். அதை எடுத்து ஒருவர அமர .. நெஞ்சுக்குள் ஒரு வெப்பம் பரவ ஆரம்பித்தது உண்மை... இதில் எங்கே டிஸ்டன்ஸ் கடைப்பிடிப்பது...? அப்படியே திருப்பி ஜன்னல் பக்கமே பார்த்து கொண்டு...வேற வழி இல்லையே..🥵

கொரோனா வைரஸ் முதல் அலை மார்ச் -  யூலை வரை என் உடல் நிலை கருதி வெளியே எங்கும் செல்லாமல் அளவாக வாங்கி, குறைவாக உண்டு வீட்டுக்குள் பத்திரமாய் இருந்தேன். 

இனி....🖤🖤🖤🖤

பள்ளிகளுக்கு Holi day  என்பதால் குழந்தை குட்டிகளுடன் பயணம் செல்கின்றார்கள். ரயில்வே ஸ்டேஷனில் மீண்டும் திருவிழா கூட்டம்...! கொரோனா வைரஸ் இரண்டாம் அலை என்கின்றார்களே ...? Mask  அணிந்தால்  பாதுகாப்பு என்று ஏனைய நாடுகள் போல் அசால்ட்டாக திரிகின்றார்களோ..? 

இப்படி பயணித்தால் நிச்சயம்   கொரோனா வைரஸ் நோய் சீக்கிரம்  வேகமாக பரவும். அது தான் அரசின் திட்டமும் என்று தெரிகின்றது.

பள்ளிகள், கல்லூரிகளுக்கும்  12  வயதுக்கு கீழ் உள்ள சிறுவர்களுக்கும் மாஸ்க் அணிவது  கடடயாம் இல்லை என்று அறிவித்திருப்பதன் மூலம்  இளையோருக்குள் கொரோனா வைரஸ் பரவ விட்டு மீண்டு வர

போகின்றார்களோ..? 

அது அத்தனை இலகுவானதாக இருக்குமோ.,? 

இங்கே நாங்கள் புரிந்து கொள்ள வேண்டிய முக்கிய விடயம்.  மந்தை எதிர்ப்பு சக்தி சரியாக செயல் பட குறைந்தது 70 % மக்களுக்குள் கொரோனா வைரஸ் பரவ வேண்டும். நோய் தொற்றில் எதிர்த்து தாக்கு பிடித்து மீண்டும் வருவோர் இந்த பூமியில் வாழும் தகுதி பெறுவார்..! 

எனில் ..,,,? உங்கள், எங்களதும் பிள்ளைகளதும் பாதுகாப்பு எங்கள் முயற்சிகளால் மட்டுமே சாத்தியம். 

குளிர் காலம் வேறு  ஆரம்பித்து விட்டது. குளிர்காலத்தில பரவும் Grippe ( வைரஸ் ) இருமல்,தடிமன்,தொண்டை வறட்சி என்று ஆரம்பிக்கும். அதுவா ...இதுவா என்று புரியாமல் பிள்ளைகளுடன் நெருங்கவும், விலகவும் முடியாமல் தவிக்கும் நிலை உருவாகும். 

வர போகும் ஆபத்தை தெளிவாக புரிந்து கொள்ளுங்கோ..அவ்வளவு தான் 

நன்றி 

நிஷா

கொரோனா வைரஸ் இரண்டாம் அலை


COVID19 - Switzerland, Bern

 07.10.2020

Switzerland, Bern மாநகரத்தின்  அனைத்து பொது உள்ளரங்குகளுக்குள்ளும் 12 வயதிற்கு மேற்பட்ட அனைவரும் அடுத்த வாரம் திங்கள் கிழமை (12.10.2020) முதல் Mask அணிய வேண்டும். 

🔹கடைகள் / Geschäfte

🔹வணிக மையங்கள் / Einkaufszentren

🔹தபால் நிலையம் / Poststellen

🔹ரயில் நிலையம் / Bahnhöfe

🔹அருங்காட்சியகங்கள் / Museen

🔹தேவாலயங்கள் / Gotteshäuser

🔹பிரார்த்தனை அறைகள் / Gebetsräume

🔹சினிமா திரையரங்குகள்/Kino & Theater 

🔹நூலகங்கள் / Bibliotheken

🔹நிர்வாக அலுவலக கட்டிடங்கள் 

🔹வழிபாட்டுத் தலங்கள் / Gotteshäuser

🔹 உணவகங்கள்,  / Restaurants 

பொது மக்களின் பாவனைக்குரிய அனைத்து இடங்களுக்கும் திங்கட்கிழமை முதல் Mask கட்டாயமாக்கபட்டிருக்கின்றது. 

🌻 பார்கள், கிளப்புகள், டிஸ்கோக்கள் மற்றும் நடன அரங்குகள் மற்றும் உணவகங்களில்

Mask அணிய வேண்டும். ( விருந்தினர்கள் மேஜையில் அமர்ந்திருக்கும்  போது Mask கழற்ற அனுமதிக்கப்படுவார்கள்.) பார்ட்டி லிமிட்  300 பேர் வரை மட்டுமே ..! 

🌻அனைத்து  வரவேற்பு அறை, 

ஆடை மாற்றும் அறை மற்றும் கேட்டரிங் பகுதிகளில் Mask தேவைப்படுகிறது.

👼 Kindertagesstätten :குழந்தைகள், சிறுவர்கள் பராமரிப்பு நிலையங்களில் செய்யப்பட்டிருக்கும் பாதுகாப்பு ஏற்பாடுகளை பொறுத்து  சிறப்பு சூழ்நிலைகளில் அல்லது தனிப்பட்ட உள்ளூர் சூழ்நிலைகளுக்கு ஏற்ப Mask  அணிய வேண்டும்.

✳️✳️✳️✳️✳️✳️✳️✳️✳️✳️✳️✳️✳️✳️✳️

♦️கல்வி மற்றும் கலாச்சார இயக்குநரகத்தின் மேற்பார்வையில் உள்ள

அரசு மற்றும் தனியார் பள்ளிகள்  &  பல்கலைக்கழகங்களின் உள்ளரங்குகளுக்குள்  Mask அணிவது கட்டாயம் இல்லை ( இருப்பினும்,  உள்ளரங்குகள் தொற்றுநோயியல் நிலைமைக்கு மிக விரைவாக மாற்றியமைக்க வேண்டும்.) 

♦️வங்கிகளின மண்டபங்கள் மற்றும் சுய சேவை பகுதிகளிலும்  Mask அணிவது கட்டாயம் இல்லை

♦️விளையாட்டு மற்றும் உடற்பயிற்சிப் பகுதிகளிலும் Mask அணிவது கட்டாயம் இல்லை.

இந்த அறிவிப்பு 2021  ஜனவரி இறுதி வரை  கட்டாயமாக்க பட்டிருந்தாலும் இடைப்படட காலங்களில்  எந்தவொரு பிரச்சினையும் இல்லாமல் இருக்குமானால் மாற்றப்படலாம். 

வெளிப்புற பாதுகாப்பு அடையாளமாக சுகாதார முகமூடிகள் செயல்படுகின்றன. மக்களும் விழிப்புடன் இருக்க வேண்டும். 

                 “ Bern மாநகரம் ஆபத்தில்

              உள்ளவர்களையும் அவர்கள்                              

         சுதந்திரங்களையும் பாதுகாக்க             

      விரும்புகிறது” 

                           "எல்லோரும் சுகாதார விதிகளுக்குக் கீழ்ப்படிய வேண்டியது மிகவும் முக்கியம், முடிந்த போதெல்லாம் தனி நபர்களுக்கிடையில் 1.5 மீட்டர் தூரத்தை  Distanz வைத்திருங்கள் "என்று சுகாதார துறை அதிகாரி அறிவித்துள்ளார். 




#07.10.2020

Switzerland, Bern மாநகரத்தின்  அனைத்து பொது உள்ளரங்குகளுக்குள்ளும் 

12 வயதிற்கு மேற்பட்ட அனைவரும் அடுத்த வாரம் திங்கள் கிழமை (12.10.2020) முதல் Mask அணிய வேண்டும். 

🔹கடைகள் / Geschäfte

🔹வணிக மையங்கள் / Einkaufszentren

🔹தபால் நிலையம் / Poststellen

🔹ரயில் நிலையம் / Bahnhöfe

🔹அருங்காட்சியகங்கள் / Museen

🔹தேவாலயங்கள் / Gotteshäuser

🔹பிரார்த்தனை அறைகள் / Gebetsräume

🔹சினிமா திரையரங்குகள்/Kino & Theater 

🔹நூலகங்கள் / Bibliotheken

🔹நிர்வாக அலுவலக கட்டிடங்கள் 

🔹வழிபாட்டுத் தலங்கள் / Gotteshäuser

🔹 உணவகங்கள்,  / Restaurants 

பொது மக்களின் பாவனைக்குரிய அனைத்து இடங்களுக்கும் திங்கட்கிழமை முதல்  

Mask கட்டாயமாக்கபட்டிருக்கின்றது. 

🌻 பார்கள், கிளப்புகள், டிஸ்கோக்கள் மற்றும் நடன அரங்குகள் மற்றும் உணவகங்களில்

Mask அணிய வேண்டும். ( விருந்தினர்கள் மேஜையில் அமர்ந்திருக்கும்  போது Mask கழற்ற அனுமதிக்கப்படுவார்கள்.) பார்ட்டி லிமிட்  300 பேர் வரை மட்டுமே ..! 

🌻அனைத்து  வரவேற்பு அறை, 

ஆடை மாற்றும் அறை மற்றும் கேட்டரிங் பகுதிகளில் Mask தேவைப்படுகிறது.

👼 Kindertagesstätten :குழந்தைகள், சிறுவர்கள் பராமரிப்பு நிலையங்களில் செய்யப்பட்டிருக்கும் பாதுகாப்பு ஏற்பாடுகளை பொறுத்து  சிறப்பு சூழ்நிலைகளில் அல்லது தனிப்பட்ட உள்ளூர் சூழ்நிலைகளுக்கு ஏற்ப Mask  அணிய வேண்டும்.

✳️✳️✳️✳️✳️✳️✳️✳️✳️✳️✳️✳️✳️✳️✳️

♦️கல்வி மற்றும் கலாச்சார இயக்குநரகத்தின் மேற்பார்வையில் உள்ள

அரசு மற்றும் தனியார் பள்ளிகள்  &  பல்கலைக்கழகங்களின் உள்ளரங்குகளுக்குள்  Mask அணிவது கட்டாயம் இல்லை ( இருப்பினும்,  உள்ளரங்குகள் தொற்றுநோயியல் நிலைமைக்கு மிக விரைவாக மாற்றியமைக்க வேண்டும்.) 


♦️வங்கிகளின மண்டபங்கள் மற்றும் சுய சேவை பகுதிகளிலும்  Mask அணிவது கட்டாயம் இல்லை

♦️விளையாட்டு மற்றும் உடற்பயிற்சிப் பகுதிகளிலும் Mask அணிவது கட்டாயம் இல்லை.

இந்த அறிவிப்பு 2021  ஜனவரி இறுதி வரை  கட்டாயமாக்க பட்டிருந்தாலும் இடைப்படட காலங்களில்  எந்தவொரு பிரச்சினையும் இல்லாமல் இருக்குமானால் மாற்றப்படலாம். 

வெளிப்புற பாதுகாப்பு அடையாளமாக சுகாதார முகமூடிகள் செயல்படுகின்றன. மக்களும் விழிப்புடன் இருக்க வேண்டும். 

                 “ Bern மாநகரம் ஆபத்தில்

              உள்ளவர்களையும் அவர்கள்                              

         சுதந்திரங்களையும் பாதுகாக்க             

      விரும்புகிறது” 

                           "எல்லோரும் சுகாதார விதிகளுக்குக் கீழ்ப்படிய வேண்டியது மிகவும் முக்கியம், முடிந்த போதெல்லாம் தனி நபர்களுக்கிடையில் 1.5 மீட்டர் தூரத்தை  Distanz வைத்திருங்கள் "என்று சுகாதார துறை அதிகாரி அறிவித்துள்ளார். 

Mask அணிய வேண்டும்


#

ஆப்பிள் வற்றல்

 பிசியோ தெரபியே செய்து உடல் அசைத்து களைத்து வந்து  நிடோ பால் கோப்பி & ( இலங்கை சுக்கு மல்லி கோப்பி  ) ஆப்பிள் வற்றலும் இன்றைய பின்னேர சிறு உணவானது. 

ஆப்பிள் வற்றல்  தங்கை ( Jeruscha Jeeva) வீட்டு ஆப்பிள் மரத்து பழங்களை வற்றலாக பதப்படுத்தி, Johannisbeeren பழங்களில் ஜாமும்  செய்து எனக்கும் கொடுத்தாள் ❤️

நீங்களும் செய்யலாம். ( மாதக்கணக்கில்  வைத்து உண்ணலாம்). கடைகளில் 100 gr பாக்கட் 3 SFr. சீசன் காலத்தில் மலிவாக ஆப்பிள் கிடைத்தால் வற்றல் செய்து பிள்ளைகளுக்கு சிற்றுண்டியாக கொடுக்கலாம். பள்ளிக்கும் கொடுத்து அனுப்பலாம்.

ஆப்பிள் பழங்களை கழுவி  நடுவில் இருக்கும் விதை நீக்கி மெல்லிய துண்டுகளாக நறுக்கி நல்ல கோடை வெயிலில் உலர்த்தி எடுக்கலாம். அல்லது back ofen இல் வைத்து கிரில் setting இல் காய விடலாம். 

( கடந்த வருடம் நானும் செய்தேன். இவ்வருடம் நான்உணவு பொருட்கள் ஒன்றுமே பதப்படுத்தவில்லை 🖤)

ஆப்பிள் வற்றல்



30 செப்டம்பர் 2020

மீண்டும் மீண்டு வந்தேன் - 2



இது இரக்கம், பரிதாபம், ஆறுதல் தேடும்  விளம்பரப் பதிவல்ல, விழிப்புணர்வுப் பதிவு என்று ஒவ்வொரு பதிவிலும் சொன்னாலும், பதிவில் இருக்கும் positive  கருத்துகளை கண்டு கொள்ளாமல் ஓய்வு எடு என்று சொல்லி கொண்டு தான் இருக்கின்றார்கள். 

எனக்கு OP முடிந்து நாளையுடன் 50  நாள்கள் மருத்துவர்கள் கொடுத்திருந்த ஆறு வாரம் தீவிர  சிகிச்சை தேவைப்படும் எனும் கால எல்லைக்கு முன்பே  30 நாள்கள் ( நான்கு வாரம் )  ஹாஸ்பிடலில். இருந்து வீட்டுக்கு வந்து நானே சமைத்து, உறவுகள் உதவியோடு மூன்று பார்ட்டி க்கு உணவு தயார் செய்து கொடுத்து ( கை கால் பலம் பெறும் வரை பிடி ஊன்றி நடக்கின்றேன், இன்று பிசியோ தெரபி   முடிந்து  வியர்க்க விறுவிறுக்க 25  நிமிடங்கள் சைக்கிளும் ஓடினேன்)  புரிந்து கொள்ளுங்கள். 

கொரோனா தடைகளால் வீடு, ஹாஸ்பிடல், பிசியோ தெரபி தவிர சும்மா தான் இருக்கின்றேன். நேரம் குவிந்து கிடக்குது. 

கடந்து வந்த அனுபங்களை இங்கே எழுதுகின்றேன் என்பதை உணர்ந்து தொடர்ந்து வரும் பக்க விளைவுகளிலிருந்தும் மீண்டு வரும் படியான தன்னம்பிக்கை, தைரியம் தரும் வார்த்தைகளையும் எனக்கு கொடுக்க முடிந்தால் கொடுங்கள்.🏋️‍♂️🪂🌹

என் பதிவுகளின் மூலம் உங்களுக்கு நான் உணர்த்த நினைப்பது புரிகின்றதா..? அல்லது இது வேண்டாத வேலை ...-அவசியமில்லை என்று நினைக்கின்றிர்களா..?  

உடலில் ஏற்படும் சில காரணங்கள் நம் உடலில் ஏதோ ஒரு பிரச்சனைக்கான ஒரு எச்சரிக்கை மணி என்று அறிந்தோர் குறைவு.  உதாரணமாக கை, கால் மரத்து போவது, காது அடைப்பது ( பக்கவாதத்தின் அறிகுறியாகவும் இருக்கும்) 

தொடர் இருமல் இதயம் நுரையீரலில் எதோ சரி இல்லை என்றும் சொல்லும். ஆனால் நாங்கள் சாப்பாடு சரியில்லை, செரிக்கல்லை, காத்து நிற்குது என்று எங்களுக்குள் தீர்வுகள் தேடி தீராத வியாதிகளையும் இழப்புகளையும்தேடி கொள்கின்றோம். 

யாராவது திடீரென விழுந்தார், உணர்விழந்தார், உடல் செயலிழந்தது ( ஸ்ட்ரோக்) மரணித்தார் என்று அறியும் போதெல்லாம் ( சிலருக்கு பிரின்சஸ் இளவரசனின் தந்தை மரணம் நினைவுக்கு வருகின்றதா..? )  இவர்களுக்கும் என்னை போல் உடல் அறிகுறிகளை உணர்த்தி இருக்குமே..? என்  கண்டு கொள்ளாமல் போனார்கள் என்று  நினைத்து வருந்துவேன். இருந்தாலும் இந்த நோயிலிருந்து ஓரளவு குணமானால் தான் அடுத்தவர்களுக்கு ஆறுதலோ, ஆலோசனையோ, விழிப்புணர்வோ தரும் தகுதி எனக்கு உண்டு  என்று புரிந்து அமைதியாக என்னை நானே ஆய்வு செய்யும் சோதனை எலியாக மாற்றி கொண்டேன். 

அது மட்டும் இல்லாமல்   உடலில்  ஒரு பிரச்சினை வந்தால் அதுகுறித்து  முழு மருத்துவ அறிவியல் தெளிவும் விளக்கமும் தெளிவாக தமிழில் கிடைப்பதும் இல்லை . ஆங்கிலம் அல்லது ஜேர்மன் மொழியில் தேடி அறிந்து கொள்வேன். அதனால் மருத்துவமனைக்கு முன் மட்டும் அல்ல அதற்கு பின் வரும் அனுபவங்களை  தமிழில் எழுத வேண்டும் என்று மூளைக்கு பதிவு செய்து அனைத்தையும் கவனித்து விழித்திருக்கும் போது குறித்து கொண்டும் வந்தேன்.

கடந்த ஐந்து வருடங்களாகவே ( தலையில் ட்யூமர் கண்டு பிடிக்கு முன் என் உடல் உணர்த்திய எச்சரிக்கைகள், அதை நான் உணர்ந்து கொண்ட விதம் ட்யூமர் என்ற கண்டு பிடிப்புக்கு பின்  மருத்துவர்களின் ஆலோசனை ஆதரவு , என் உடல் நிலை மாற்றங்கள், உணர்வுகள், சிகிச்சைகள்,  நான் எதிர்கொண்ட சிரமங்கள், வலிகள் குறித்தும் இதிலிருந்து மீண்டும் மீண்டு வந்தேன் என்று பாமரருக்கும் புரியும் படி எழுத வேண்டும் அதனால் வருடம், தேதி, நேரங்கள் என்று கூட சிறு சிறு குறிப்புகளும், எனக்கான சிகிச்சைகளுக்குரிய Report எனக்கும் ஒரு copy  தேவை என்று வாங்கி சேகரித்து, உடனுக்குடன் அதில் குறிப்பிட்டிருக்கும் ஜேர்மன் மொழி மருத்துவ வார்த்தைக்கு விளக்கம் இணையத்தில் தேடி அவ்வப்போது எழுதி save  செய்து வந்திருக்கின்றேன். 

OP க்கு முன்னும் பின்னும் சிகிச்சை மருந்துகள் குறித்தும் அது ஏன்? எதற்கு ? என்று கேட்டு தெரிந்தும் தெளிந்து மருத்துவர்களுக்கு முழுமையாக ஒத்துழைத்தேன். எதிர்பாராத சில பின்னடைவுகள், பக்கவிளைவுகள் ஏற்பட்டு திடிரென்று நியூரோ பிரிவிலிருந்து 

கார்டியோ எமெர்கென்சி க்கு கொண்டு சென்று ( ஹார்ட் அடைப்பு ) ஒரு நாள் முழுதும் இருந்த போதும் பயப்படவே 

இல்லை. என்னை எனக்குள் ஆராயும் ஆர்வமே இருந்தது என்றால் நம்புவீர்களா? 

உடம்பெல்லாம் வயர்கள் சுற்றி படுக்கையில் கிடக்கும் என்னிடம் ......நீ பயப்பிடுகின்றாயா..? என்று கார்டியோ ஸ்பெஷலிஸ்ட் கேட்ட போது .. 

இல்லை, Keine Angst ... ஆனால் இந்த பரபரப்பும் சிகிச்சையும் என் என்று புரியவில்லை என்று தான் சொன்னேன். அந்த நேரத்தில் உறவுகள் அறிந்தவர் யாரும் அருகில் இல்லை. ஆனால் என்ன நடந்தாலும் அதை எழுதி மற்றவர்களுக்கு விழிப்புணர்வு தரணும் எனும் சிந்தனையில் தெளிவாக இருந்தேன். அதே போல் ஏன் OP க்கு பின் எனக்கான சிகிச்சை குறித்தும், திடீர் அபாயங்கள் நேரம் என் எது நல்லதோ அதை என் நியூரோ சர்ஜன் முடிவெடுக்கும் உரிமையையும் எழுதி கொடுத்து இருந்தேன். அந்த நம்பிக்கையை அந்த மருத்துவர் இன்று வரை நிறைவேற்றுகின்றார்.

நாக்குள்ளே நமக்கு என்ன மாற்றம் ஏற்படுகின்றது என்ற கவனிப்பும், விழிப்புணர்வும் , மருத்துவர்கள் தரும் சிகிச்சை குறித்து தெளிவும் இருந்தால் முன்னெச்சரிக்கையால் பல  இழப்புகளை தவிர்க்க முடியும். 

அதிலும் ஒரு பெண்ணாக என் வயதும் நோய் குறித்த அனுபவங்களும், உணர்வும் பல பெண்களுக்கு விழிப்புணர்வை தந்து தன்னை தானே கவனிக்க வேண்டும் எனும் உணர்வை தரும்  என்றும் நம்புகின்றேன். 

“ஆணுக்கு நோய் வந்தால் கிடைக்கும் அக்கறையும், கவனிப்பும் பெண்களுக்கு கிடைப்பது இல்லை “

அழுதாலும் அவள் தான் பிள்ளை பெற வேண்டும்..?  வலித்தாலும் அவள் தான் சமைக்க, துவைக்க வேண்டும் எனும் நிலைமையே இன்னும் இருக்கின்றது. 

பெரும்பாலான பெண்கள் கணவன், பிள்ளை, சொந்த பந்தம் என்று மீந்ததை தின்று, கிடைப்பதை உடுத்தி அனைத்தையும் சகித்து தன்னை தானே சரியாக கவனிப்பது இல்லை. 40 வயது வரை உடலளவில் அவளை எதுவும் பெரிதாக உறுத்துவதும் இல்லை. ஆனால் அதன் பின் மெனோபாஸ் சார்ந்த பிரச்சனைகளோடு பிற நோய்களும் சேரும் போது அவளுக்கு இரண்டந்தனை ஆதரவும், கவனிப்பும் தேவை பட்டாலும் அதை புரிந்து கொள்வார் இல்லை. உரிமைகள் மட்டும் இல்லை. வலிகளின் வேதனை வேதனைகளை கடந்து வர தேவையான அன்பும், அரவணைப்பும் கூட ஆணுக்கும், பெண்ணுக்கும் ஒன்றே போல் கிடைப்பது இல்லை. குடும்ப கௌரவம், வெட்கம், மான அவமானம் என்று  பெண்களும் தங்கள் பிரச்சனைகளை உறவுகள், நண்பர்களிடமும் சொல்வதும் இல்லை என்பதையும் அழுத்தமாக என் எழுத்துக்களில் பதிவு செய்ய விரும்புகின்றேன். ( உடனே என் சொந்த சோக கதை என்று ஆறுதல் என்று யாரும் கிளம்பு வேண்டாம் ) வீட்டுக்கு வீடு வாசப்படி, எல்லா வீட்டிலும் அடைசல்கள் நிறைந்து கிடக்கின்றன. கொஞ்சம் தெளிந்து உணருங்கள் போதும்.

எங்களை நேசித்து எங்களுக்காகவும் கொஞ்சம் வாழ்வோம் “ 

https://www.facebook.com/100000786292216/posts/3279369752099202/?extid=LNsC3C1wSrol6xQH&d=n

மீண்டும் வருவேன்..🌻

28.09.2020

❤️ நிஷா ❤️

28 செப்டம்பர் 2020

சூடாக இருக்குறப்போ சாப்பிட வாங்க ...💕💞💖


பச்சரிசி சோறு ... உப்பு கருவாடு…

சின்னமனூரு வாய்க்கா சேறு  கெண்ட மீனு

குருத்தான மொள கீர, வாடாத சிறு கீர 

நெனைக்கையிலே எனக்கு இப்போ எச்சி ஊருது... 

அள்ளி தின்ன ஆச வந்து என்ன மீறுது..!


பாவக்கா கூட்டு பருப்போட சேத்து

பக்குவத்த பாத்து ஆக்கி முடிச்சாச்சு

சிறுகால வருத்தாச்சு 

பதம் பாத்து எடுத்தாச்சி ...

கேழ்வெரகு கூழுக்கது ரொம்ப பொருத்தமையா

தெனங்குடிச்சா ஒடம்பு இது ரொம்ப பெருக்குதய்யா..

நித்தம் நித்தம் நெல்லு சோறு

நெய் மணக்கும் கத்திரிக்கா

நேத்து வெச்ச மீன் கொழம்பு

என்ன இழுக்குதையா

நெஞ்சுக்குள்ள அந்த நெனப்பு

வந்து மயக்குதையா...


பழயதுக்கு தோதா புளிச்சி இருக்கும் மோரு

பொட்டுகள்ள தேங்கா பொட்டரச்ச தொவயலு

சாம்பாரு வெங்காயம் சலிக்காது தின்னாலும்

அதுக்கு என ஒலகத்துல இல்லவே இல்ல

அள்ளி தின்னு எனக்கு இன்னும் அலுக்கவே இல்ல..❤️


குரக்கன் மா ( கேழ்வரகு) தேங்காய்ப்பூ சேர்த்து புட்டு சூடாக இருக்குறப்போ சாப்பிட வாங்க ...💕💞💖

பாடலை ரசிக்க இங்கே click செய்யுங்கோ 

https://youtu.be/P-spsz3PaSU







26 செப்டம்பர் 2020

மீண்டும் மீண்டு வந்தேன்..1

 SP பாலசுப்ரமணியம்..! 

நம் எல்லோருக்கும் மிகப்பெரிய முன் எச்சரிக்கையை விட்டு சென்றிருக்கின்றார். 

ஒவ்வொரு அடிகளிலும் வாழ்க்கை எங்களுக்கு புதிய கற்றலை தருகின்றது. 

இவ்வருட ஆரம்ப முதல் கொரோனாவில் பல பிரபலங்களை, மருத்துவ அறிவியல் சார்ந்தோரை இழந்திருந்தாலும்..... SP  அவர்களின் மரணம் பலரை நிலைகுலைய வைத்திருக்கின்றது என்பதை தொடரும் பதிவுகள் மூலம் உணர முடிகின்றது.

கொரோனா வைரஸ் குறித்த விழிப்புணர்வு பிரச்சாரத்தில் ஈடுபட்டு ஊரையும் உலகையும் பாதுகாக்க இறைஞ்சிய மனிதரின் கடைசி புகைப்படம் என் கண் முன்..... நிழலாடுகின்றது . அவர் வயதுக்கு எத்தனை வலிகள், வேதனைகள்..😓

கிட்ட தட்ட  சம காலத்தில் நானும் என் ட்யூமர் OP க்கு பின் மூன்று வாரங்கள்  வென்டிலேற்றார் உதவியோடு தான் படுத்திருந்தேன். என் சுவாசத்தில் ஓட்சீசன் 82 / 84  என்றளவில் இரண்டு மணி நேரத்துக்கு ஒரு தடவை இரத்த அழுத்தமும் ( 120 / 170 ) முதல் வாரங்களில் 200 க்கும் மேல்... ஒன்றுக்கு நான்கு BP  கவர் மாற்றி மாட்டி ( கவர் ஊதி பெருகும்). 

( Side  Effekt இதயத்தின் அடைப்பும் நுரையீரலின் அழுத்தம் ட்ரிட்ட்மென்ட் குறித்தும்  இன்னொரு பதிவில் எழுதுகின்றேன்) 

இடது பக்க காதுக்கு பின் பக்கம் தலையில் முடியை கட் செய்து ( வழித்து )  உள்ளங்கை நீளம் மண்டையில் வெட்டி கட்டியை வெளியே எடுத்து,  காதை மீண்டும் கேட்க வைக்கும் முயற்சியாக சிறு காந்தம் போல் ஒரு கருவி உள்ளே  வைத்து பொருத்தி தையல் போட்டு இருந்தார்கள். 

அதனால் காயத்தினாலோ  உள்ளே வைத்த கருவியால் ( நெகடிவ் ) இன்ஸ்பெக்சனோ ஆக கூடாது, காய்சசல் வர கூடாது என்று இரண்டு மணி நேரத்துக்கு ஒரு தடவை ரெம்பறேச்சரும், ஒரு நாளைக்கு மூன்று தடவை இரத்தம் குத்தி எடுப்பதும், தினம் ஊசியுமாக ( ஒரு கட்டத்தில் 

ஊசியை கண்டாலே என் உடலும் கை காலும் நடுங்க ஆரம்பித்து விட்ட்து ) 

எழுதும் போது எல்லாமே இலகுவாக தோன்றுகின்றது. அனுபவிக்கும் போது அதன் கொடுமை ... தூங்க முடியாது, சாப்பிட முடியாது, குடிக்க முடியாது, ஒருவகை குமடடல் .. வாந்தி எடுக்கணும் போலிருக்கும், ஆனால் வாந்தி எடுக்க போதுமான உணவு இல்லை. அரை மயக்க நிலையில் வலி தாங்க ஆண்டிபயாடிக் மருந்துகளுமாக வாழ்க்கையே ஒரு போர்க்களம் என்று உணர்ந்த காலங்கள் அவை. ( மருத்துவ சிகிச்சை நேரம் நான் என்னை புலைப்படம் எடுக்க அனுமதிக்கவில்லை. ) 

OP க்கு முன் இருந்ததை விட அதிக தலை சுற்று. நடக்க முடியாது, சக்கர நாற்காலி, எல்லாத்துக்கும் ஒருவர் உதவி தேவையாக இருந்தது.  இதற்கிடையில்  வலுவிழக்கும் வலது பக்க கை, கால்களுக்கு ஒரேயடியாக செயல் இழந்து விடாமல் ( Strok Golden Time ) வலிக்க வலிக்க பயிற்சி.... 

புஷ் பண்ணு... நீ தானாக நடக்கணும் என்றால் முயற்சி செய் என்று நாளுக்கு நாலு தடவை வெவ்வேறு உடல் அசைக்கும் பயிற்சி. கடந்து எழுந்து நிற்கின்றேன்🏋️‍♂️

இன்னும் முழு பெலம் காலுக்கும், கைக்கும் வரவில்லை என்கின்றார் என் பிசியோ. ( I can do ) ஆனாலும் வீட்டினுள நடக்கின்றேன், சமைகின்றேன். கடந்த வாரம்  கேடடரிங் Party ( 125 + 100  + 50 ) என் கணவர் பிரபா, தங்கை கணவர் ஜீவா, டேனியல், சுதா உதவியோடு செய்தோம். தங்கை dali ,அவள்  மாமி, மகள், மகன், இன்னும் சர்ச்  நண்பர்கள் உதவுகின்றார்கள். 

மருத்துவர்கள் நீ முயன்றால் உன்னால் முடியும், கொஞ்சம் காலமெடுத்தாலும் முடியும் என்று நம்பு என்று சொன்னார்களே அன்றி எங்களால் முடியும் என்ற நம்பிக்கையை இன்று வரை தரவில்லை. 

எனது வயது, எனது உணர்வு, எனக்காக நான் சேர்த்து கொண்ட positive எனெர்ஜி, மருத்துவ,அறிவியல் அறிவும் , என் உடல் குறித்த தெளிவும் மருத்துவர்களின் கவனிப்பும் தாதிபணியாளர்களின் பொறுமை, அன்பு, அக்கறையும் , இன்னும் இந்த உலகத்துக்கு  செய்யும் கடமை நிறைவேறவில்லை எனும்  இறைவனின் சித்தமுமாக மீண்டும் வந்திருக்கின்றேன். 

எனக்கு கொரோனா இது வரை இல்லை. இனியும் என்னையும், என் உடல் நிலையையும், கொரோனாவின் விளைவுகளையும் நன்கு அறிந்து இருப்பதால் 

என்னால் இயன்ற தற்பாதுகாப்பு முயற்சிகளோடு அரசின் சட்டத்தினை  ஒழுங்காக கடைப்பிடித்து  வருகின்றேன். 

SP அவர்களின் மருத்துவமனை கடைசி புகைப்படம்  பார்க்கும் போது அவர் மருத்துவ சிகிச்சை காலங்களில் எத்தகைய வலிகள், சிரமங்களை எதிர் கொண்டிருப்பார் என என்னால் உணர முடிகின்றது. ஒரு வகையில் இத்தனைக்கு பின்னும் அவர் உடலை வதைக்காமல்  ஊசி , வலி மருந்து மாத்திரை யிலிருந்து விடுதலை எனும்  நிம்மதி தான் தோன்றுகின்றது. அவர் உடல் தான் இங்கே இல்லை. ஆனால் முன்னதை விட இனி அவர் குரல் ஓங்கி ஒலிக்கும். 

இறுதி மாதங்களில் கொரோனாவை வெல்வோம்..   என்று எமக்கு நம்பிக்கை தர பாடினார், பேசினார். 

கொரோனா...அணுவை விடவும் சிறியது

அணுகுண்டை போல் கொடியது

சத்தமில்லாமல் நுழைவது

யுத்தமில்லாமல் அழிப்பது

என்று உணர்ந்து பாடியவருக்கு அந்த அரக்கனிடமிருந்து தப்பிக்க முடியாமல் போனது . 🖤 எத்தனை போர்கள் மனிதன் கண்டான். அத்தனை போர்களிலும் அவனே வென்றான் என்று பெருமை பேசும் மனிதனுக்கு அணுவளவான வைரஸ் இடமிருந்து தற்காத்து கொள்ள முடியாமல் ..... தானே தான் அழிந்து போகின்றான் மனிதன்..! 

அவனால் இயற்கையையம் வெல்ல முடியவில்லை, அவன் உருவாக்கிய செயற்கையையும் வெல்ல தெரியவில்லை. உயிர்களை அழிக்கும் ஆயுதங்கள், போர்களில் வெல்வதை சாதனை என்று வெற்று பெருமை பேசுகின்றான். பணம், பொருள், புகழ் இருந்தென்ன பயன்..! அத்தனையும் காலுக்கு தூசாகி விடுகின்றது. 

நாளைய உலகின் நாயகமே

கரோனாவையும் கொன்று முடிப்பான்

கொள்ளை நோயை வென்று முடிப்பான்..? எனும் நம்பிக்கை தர பாடியவருக்கு தானும் இங்கே விதியாவோம் என்றுதெரிந்திருக்காது🖤. 

இந்த நம்பிக்கை நிறைவேறும தான். அதற்குள்  எத்தனை உயிர்களை பலி கொன்று முடிப்பான்....? 

அடுத்தடுத்து தொடரும்  சில விடயங்கள் மனதை பாரமாக அழுத்துகின்றன. இந்த உலகத்து மக்களுக்கு நல்லது செய்தோர், அர்ப்பணிப்பாய் வாழ்ந்தோர் வயது வேறு பாடு இன்றி விடை பெறுகின்றார்கள். பிரபலங்கள் என்பதால் அவர்கள் இழப்புக்களை மீடியாக்கள் வெளிக்கொண்டு வருகின்றன . நாங்கள் அறியாமல். நமக்கு தெரியாமல்.. மருத்துவ  வசதி இன்றி எத்தனை பேர்  பரிதவிக்கின்றார்களோ? 

உலக சுகாதார துறை மற்றும் நாடுகளின் சுகாதார அமைச்சுக்களின் அறிக்கைகளின் படி இவ்வருடம் மார்ச் மாதம் lock down  ஆரம்பிக்கப்படட போது கொரோனா வைரஸ் பரவிய வேகத்தை விட அதி வேகமாக பரவுகின்றதாம். ஆனால் பொருளாதார சரிவை சமாளிக்க முடியாத நிலையில் கொரோனாவோடு வாழும் நிர்பந்தம்  மக்களுக்கு உருவாகி இருக்கின்றன. 

அரசினால் சட்டம்  போட தான் முடியும். அது எங்கள் உயிர்களுக்கான ( வலிகளுக்கான) 

பாதுகாப்பு முயற்சி என புரிந்து கொண்டு எங்களை பாதுகாத்து கொள்வோம். கொரோனா வந்தால் மீண்டு விடுவோம் என்று நம்பிக்கை வேண்டும் என்றாலும் அந்த மீட்சிக்கு பின் விளைவுகள் உண்டு என்று உணர்ந்து கொரோனா வராத படி எச்சரிக்கையாக வாழ்வோம்.

அது தான் SP  அவர்களுக்கு நாங்கள் செய்யும் அஞ்சலியாக இருக்கும்.

🔹

இதை எழுதுவது இதை வாசிப்போர் உணரவும், விழிப்புணர்வுக்கும் தான். தமிழில் எழுதுகின்றேன், மருத்துவ அறிவியல் சொல் தெரியும் என்றெல்லாம் புரியாத சொல்களை  வெளிப்படுத்தாமல் என் பதிவை வாசிக்கும் ஆங்கிலம் தெரியாத கிராமத்தவனும் புரிந்து கொள்ள வேண்டும் என்றே பேசும் தமிழில் எழுதி இருக்கின்றேன். 

சோகம், கவலை ரியாக்ஷன் வேண்டாம் 

Take  care / take  Rest  தவிர்த்தல் நல்லது 

தயவு செய்து புரிந்து கொள்ளுங்கள் 🙏

நன்றி : நிஷா 

26.09.2020 


#COVID19

#அறிவியல் அறிவோம்

#அனுபவம்  பகிர்வோம்.. 

https://www.facebook.com/100000786292216/posts/3269928976376613/?extid=wMDljxsin4IAZIq7&d=n



ஓட்சிசன் வென்டிலேற்றார் 


நடமாடும் போது கொண்டு செல்லும் ஓட்சிசன் வென்டிலேற்றார் ( உணவு உண்ணும் நேரம் தவிர மீதி நேரங்களுக்கு) 

மருத்துவம் படித்தால் மட்டும் தான் ...?

 எனக்கொரு டவுட்டு...? 

கொஞ்சம் clear பண்ணுங்கோ..!

கஷ்டப்படும், ஒதுக்கப்படும்  தனி நபரோ, குடும்பமோ, சமூகமோ தங்களை முன்னேற்றி கொள்ள மருத்துவம் படித்தால் மட்டும் தான் முடியும் என்ற புரிதல் தமிழர்களுக்கு எப்போது உருவானது..? 

படிப்பில் மருத்துவ படிப்பு தான் உசத்தி... அதை படித்தால் தான் குடும்பத்துக்கு விடியும்... சமூகத்துக்கு சேவை செய்ய முடியும் என்று சிறு பிள்ளை மனதினுள் புகுத்தி விரக்தியில் 

தற்கொலை செய்யும் வரை அழுத்தம் கொடுத்து எப்போதுமே போராட்டம், பதட்ட  மூவ்மெண்டில் சமூகத்தை வைத்திருக்க பாடுபடும் எத்தனை பேர் மருத்துவம் படித்தவர்கள்..? 

மருத்துவம் படித்ததனால் தன் குடும்பம், சமூகம் முன்னேற்றம் கண்டது என்பதற்கு முன்மாதிரியாக, எடுத்து காட்டும் படி படிப்பு முடிந்து கிராமங்களை நோக்கி சேவை செய்ய அல்லது சமூகம் சார்ந்த முன்னேற்றமே இலக்கு எனும்  நோக்கத்தில் பணி செய்வோர் எத்தனை பேர் என்றும் சொல்லுங்களேன்..! 


வாழ்க்கையில் முன்னேறணும் என்று நினைத்தால்  டாகடர் ஆகி ஸ்டெதற்க் கொப்  பிடித்தால் தான் முடியும் என்று இல்லை. 

வல்லவனுக்கு புல்லும் ஆயுதம்.. அவன் அறிவு பேராயுதம். ஒரு புல்லுக்கட்டு கூட போதுமாம்..! என்னமோ சொல்லணும் என்று தோணுது . அவ்வளவு தான்🤼‍♀️🤼‍♀️🤼‍♀️

நெல்லி காயும் சொல்லி செல்லும் ..!

 நெல்லி காயும் சொல்லி செல்லும் 

கடந்து வாழ்ந்த வாழ்வதனை 💞💖

செல்வி அன்டி வீட்டு முற்றத்தில் மார்கழி பனி இரவின் மழைக்காற்றுக்கு தானே கனிந்த நெல்லி பழங்களும், காய்களும், கெப்புகளுடன் பிஞ்சும்  தரையெங்கும் நட்ஷத்திரங்கள் போல் வீழ்ந்து பரவி கிடக்கும். தானாய் வீழ்ந்த காய் பொறுக்கியதில் தின்றது போக  மரத்தையும் ஆட்டி, பொலு பொலுவென்று விழும் போது எட்டி பிடிக்கும் கிளையதையும் உலுக்கி அணிந்திருக்கும் சட்டையை மடியாக்கி  அள்ளி சென்று பள்ளிப்பை பக்கதினுள் ஒளித்து... 

ஜாம் காய்ச்சலாம் என்பதும் தெரியாது.

இன்றறியும் விடடமின் சத்தென்றும் தெரியாது ..!

வாய்க்கு ருசி , பசிக்கு பொரி

உப்போடும், உவப்போடும் 

தின்ன தின்ன சலிக்காது... !

வாய் கூசும்.. நா புளிக்கும் ..! 


நாங்கள் வாழ்ந்தோம்..! 

ஒரு காலம் தானாய் வளர்ந்தோம்..! 🏋️‍♂️🤼‍♀️🪂🤼‍♂️ 


🌻🙏😍 அல்லி அன்ரி யின் அம்மா வீட்டு நெல்லி மரமும்  செல்வி அன்ரி வீட்டு நெல்லி மரமும் எங்கள் பசியும் தாகமும் தீர்த்தது என்றால் மிகையில்லை.

பாசமுள்ள பார்வையிலே கடவுள் வாழ்கிறான்..!

ஒரு வார்த்தை  

ஒரு பார்வை 

ஒரு பாடல் 

எங்களை நேசிப்போர் சிந்தனையில் நாங்கள் யாராக இருக்கின்றோம் என்பதை உணரும் நொடி ..💞💞❤️🥰

“”ஆளான சிங்கம் இரண்டும் கைவீசி நடந்தால் காலடியில் பூமி எல்லாம் அடங்கும்” 💕💕

ஒரு பாட்டு .. அதை தேர்வு செய்து ..புகைப்படங்களோடு எடிட் செய்து .... ஆயிரம் வார்த்தைகளில் புரிய வைக்க முடியாததை இசையோடு இயைந்து வரும் வார்த்தை வரிகளில் உணர்த்த எத்தனை பேரால் முடியும்..? 

என் Op க்கு முன் ஒரு வீடியோ சென்ட் பண்ணி இருந்தார்  Mohamed Musammil

அப்போது இருந்த மன  நிலையில் எதையும் பார்க்கல, கேட்க தோணல.. நேற்று inbox  ஆராயும் போது தற்செயலாக வீடியோ பார்வைக்கு வந்ததும் 💃🪂🪂🪂


யாரோ எழுதிய பாடல் வரிகளை 

யாருக்கோ கோர்த்து  

எத்தனை positive அலைகளை கிளப்ப முடியுமோ... அத்தனை ஜில்லிப்பும்....நேற்று  நான் உணர்ந்தேன்.


ஆமாம் ....!💃💃

“ பாசமுள்ள பார்வையிலே கடவுள் வாழ்கிறான் - அவன்

கருணையுள்ள நெஞ்சினிலே கோயில் கொள்கிறான்”💖💞

❣️❣️..  நன்றி சொல்ல வார்த்தை இல்லை 🙏Mohamed Musammil


நீங்களும் கேட்டு பாருங்கள்.

ஊரெங்கும் போகும் உன் ராகங்களே..!


ஜீவ சுகம் பெற ராக நதியினில் நீ நீந்தவா..?

சங்கீத மேகம் தேன் சிந்தும் நேரம்

ஆகாயம் பூக்கள் தூவும் காலம். 

இது ஆகாயம் பூக்கள் தூவும் காலம் ..

🖤

அழுகையை கண்ணோடு 

அடக்கிட நினைக்கையில் 

நானும் எனக்கென 

கண்ணீரை வடிக்குது 

வடிக்குது வானம்

🖤

பாடும் நிலாவே ...!

விண்ணிலே பாதையில்லை

உன்னைத் தொட ஏணியில்லை

வண்ணம் கொண்ட வெண்ணிலவே

வானம் விட்டு வாராயோ..?

🖤

மலரே  மௌனமா ..?

மௌனமே வேதமா..?

மலர்கள் பேசுமா பேசினால் ஓயுமா? 

பாதி ஜீவன் கொண்டு தேகம்

வாழ்ந்து வந்ததோ?

🖤

எந்தன் மூச்சும் இந்த பாட்டும் 

அணையா விளக்கே..! 

நாளை என் கீதமே எங்கும் உலாவுமே..!

போகும் பாதை தூரமே 

வாழும் காலம் கொஞ்சமே...! 

இந்த தேகம் மறைந்தாலும் 

இசையாய் மலர்வேன் ..! 


ஆம்..! 

வரிகளுக்கு உயிரூட்டி, உயிர்ப்பித்த உன்னிசைக்கு  மரணம் இல்லை.

பாடும் நிலாக்களின்

பயணங்கள் முடிவதில்லை ..!

 #S_P_பாலசுப்பிரமணியம் 🙏💞


பார்த்தீபன் கனவு எங்கே பலிக்கிறது..?

      திலீபன்...! 

பார்த்தீபன் கனவு எங்கே பலிக்கிறது..? 

மருத்துவ கல்லூரி மாணவனாக  Doctor க்கு படித்து இன்று எதோ ஒரு நாட்டில் பேரோடும் புகழோடும், காசோடும் , நிம்மதியாக, வளமாக வாழ வேண்டியவர். 

 உரிமை, உடமை, தன மண், தமிழ் மண்  விடுதலைக்கக அகிம்சை வழியில் (. மகாத்மா ஆங்கிலேயருக்கு எதிராக உண்ணாவிரதம் எனும் அகிம்சை போராட்டத்தில் தான் இந்தியாவுக்கு சுதந்திரம் பெற்று கொடுத்தாராம்)  கிடைக்கும் என்று தன் வாழ்வையும், கல்வியையும்,  எதிர்காலத்தையும்  அர்ப்பணித்தார் 💔 #திலீபம்

எம்மக்கள் கௌரவமாக வாழ  வேண்டும். என்று அநீதிக்கு எதிராக  நீதி கேட்டு  உயிரை கொடுத்ததுக்கு நன்றி கடனாக தான் “ கல்லாமல் கல்லாவில் காசு போட்டு  கௌரவ கலாநிதி பட்டங்களும், விருதுகளும்”   கொடுத்து எங்கள் கல்வி மீதான  மதிப்பையும் தரமிறக்கும் பணியில்.... (   விருது, புகழ், பட்டம் எனும் போதைக்குள் சிக்கி  நடக்கும் அநீதிகளை கண்டும், காணாமல் நமக்கென்ன என்று கடந்து சென்று கொண்டிருக்கின்றோம். ) 

இதெல்லாம் காசு கொடுத்து கிடைக்கும் என்றால் திலீபன் போல் கெட்டிக்கார மாணவர்களின் உயிர்களை எதுக்கு பணயம் வைக்கணும்..? 

வருடத்துக்கு ஒருதடவை நினைவு கூறலும், அஞ்சலியுமாக  கடந்து செல்லாமல் அவர்களின் உயிர்தியாகங்களுக்கான காரணங்களை உணர்ந்து தற்கால  அநியாயங்களை குறித்தும் அக்கறை கொள்ளுங்கள் 

“  பல்லாயிரம் பேரின் உயிர்தியாகங்களை அர்த்தமற்றதாக்கி கொண்டிருக்கின்றோம்” 

🔥 🔥 🔥 🔥 🔥 🔥 🔥 🔥 🔥

09 ஆகஸ்ட் 2020

உளவியல்_உண்மைகள் 2

#உளவியல்_உண்மைகள்  

சிலரை பார்த்ததும் அவர்களிடம் நம் மனதில் இருப்பதை வெளிப்படையாக பேச அவர்சொல்வதை கேட்டு நடக்க தோன்றும், அந்த நபர் கெட்டவராக இருப்பார் எனும் சந்தேகம் இல்லாமல் அவர் சொன்னால் சரியாக தானிருக்கும் எனும்  முழு நம்பிக்கை தோன்றும். 

இன்னொருவரிடம் பகிர முடியாத  தன் கவலைகளை புரிந்து தனக்கு ஆதரவாக இருப்பார் எனும் நம்பிக்கையை  நம்மால் ஒருவருக்கு கொடுக்க முடிவதே  உளவியல் ஆலோசகருக்கான அடிப்படை..!

உளவியல் சார்ந்த பிரச்சனை என்பது எல்லோருக்கும் இருப்பது தான். எனக்கும், உங்களுக்கும், நம்மை சுற்றி இருக்கும் பலருக்கும்  எதோ ஒரு வடிகால் தேவைப்படவே செய்யும். 

இதற்கு முந்தைய பதிவில் சொல்லி இருந்தேன்.உளவியல் தத்துவத்தின் பிரதானமானது ஆலோசனை சொல்வதோ... அதன் படி நடக்க வற்புறுத்துவதோ இல்லை. 

நம்பிக்கை கொடுப்பது  முதல் படி என்றால் அவர்கள் சொல்வதை பொறுமையாக  கேட்பது  அடுத்த படி..!  பேச விட்டு அவர்கள் மனப்பாரம் குறைப்பது. யாரோ ஒருவரிடம் மனதில் இருப்பதை சொல்வதால் மனதின் பாரம் குறையும் போது அது வரை பெரிய பிரச்சனையாக மனதுள் பேயாட் டம்  போட்ட தெல்லாம் ஒன்றுமே இல்லை என்று ஆகி போகும். இது தான் நாம் புரிந்து கொள்ள வேண்டியது. 

“ நம்மை பத்தி திறந்த புத்தகமாய் மனதின் பாரங்களை எவரிடமேனும் 
பகிர்ந்து கொள்ள முடியும் என்றால் மன அழுத்தம் பாதி குறைந்து விடும். இது மனோதத்துவம்“

இதில் நாம்  யாராகவும் இருக்கலாம்.. மனம் விட்டு சொல்லும் நிலையிலும்... அடுத்தவர் சொல்வதை, பேசுவதை கேட்கும் நிலையிலும் எங்களை உருவாக்கி கொள்ளலாம்.

உளவியல் ரீதியான பிரச்சனைகள் என்பது ஒன்றுமே இல்லாமலும் இருக்கும். ஆலோசனைகள் தேவையற்ற சாதாரண சின்ன சின்ன குழப்பங்கள் மனம் விட்டு பேச பகிர ஆளில்லாத நிலையில் உள்ளே அமுங்கி மன அழுத்தமாக உருமாறுகின்றது. இதை புரிந்து கொள்ளாமல்   எங்கள் சமூகத்தினுள் புரையோடி 
கொண்டிருக்கும் டிப்ரேஸிவ் தற்கொலை, கொலைகளுக்கு 
தீர்வு தேட முடியாது..ஒரு பிரச்சனைக்கு  பிறகு மட்டும் பேசி அடங்கி மீண்டும் ஒன்றில் தொடங்குவதை விட தொடர்ந்து கொஞ்சம் கொஞ்சமாக  எழுதி அனைத்துக்கும் தீர்வு எங்களிடமே இருக்கின்றது என புரிய வைக்க நினைக்கின்றேன். 

எப்போதும் என் பயணம் இலக்குகளை நோக்கியே இருக்கும். என்னுடைய பதிவுகளை தொடர்ந்து வரும் உங்களுக்கு நான் எழுதுவது புரியும்.இங்கே எழுதுவதை வைத்து பலர் inbox ல் எனக்கு தெரிந்த மன நல ஆலோசகர் அதுவும் தமிழில் தெரிந்தவர்களை சொல்லுங்கள் என்று வருகின்றார்கள். அவர்களுக்காகவும், எனக்காகவும், உங்களுக்காகவும்  நான் இங்கே எழுதுகின்றேன்.

சாப்பிடும் போது சோத்துக்குள் கல் கிடந்தால் தூக்கி போட்டு விட்டு சாப்பிடுவது போல் வாழ்க்கையில் கசப்பான அனுபவங்களையும் தூக்கி போட்டு போயிட்டிருக்கணும்.. 
நான் எழுதும் பதிவுகள் யாரோ ஒருவருக்கு தேவையாக பயனுடையதாக இருக்கின்றது எனில் அது என் சொந்த அனுபவமாக இருந்தாலும் எழுதலாம் என்று நினைக்கின்றேன். இத்தனை எழுதுவதால் நான் ஒன்றும் தெய்வ பிறப்பு இல்லையே..? எனக்கும் பிரச்சனை உண்டு. 

இங்கே நான் எழுதுவதை பார்த்து  பலர் தொடர்பு கொண்டு ஆலோசனை கேட்க்கின்றார்கள்..உண்மையில் யாருக்கும் நான் ஆலோசனையோ, தீர்வோ சொல்வது இல்லை. என்னை தொடர்பு கொள்ளுங்கள், உதவுகின்றேன் என்று எவருக்கும் உத்தரவாதம் தருவது இல்லை. அவரவர் பிரச்சனைக்கு அவர்களே தீர்வு காண வேண்டும் என்பதே என் பாலிசி. தனி தனியே சொல்வதை விட அவர்களே தம் நலன் நாடுவோருக்கு ஆறுதலாக இருக்கலாம் என்றே இங்கே எழுதுகின்றேன். 

வானம் என்ன வானம் தொட்டு விடலாம்..💃💃🪂🪂

 இணைத்திருக்கும்  நான்கு நிமிட  வீடியோவில் முதல் இரண்டு நிமிடம் Swiss Murten நதியில்  One day 🏞🛳🛳 கப்பல் பயணம்❣️❣️❣️

அடுத்த இரண்டு நிமிடம்  நேற்று ஒரு பார்ட்டி ஆர்டர்..🥰⛱🏝🏖 கோடைவெயிலின் சூடடை தணிக்க மலை அடிவாரத்து  நதியோரம், நீச்சலும், கலந்துரையாடலும் மாலை உணவுமாக ஒழுங்கு செய்து இருந்தார்கள்🎂🍨🍯🍰🍷

இரண்டாம் வகுப்பு தொடக்கம் ஆறாம் வகுப்பு வரையான பிள்ளைகளுக்கு  சாரணர் பயிற்சி   எங்கள் பகுதியில் இருக்கும் அனைத்து சர்ச் இணைந்து நடத்துகின்றார்கள். அதன் வருடாந்த கூட்டம். அங்கத்தவர்கள், பயிற்சியாளர்கள், வழிநடத்துனர்கள் என எங்கள் பகுதி பிரபலங்களுடன் என் குடும்ப மருத்துவரும் வந்திருந்தார்.

என்னை கண்டதும்.... எப்போதும் நலன் விசாரிப்புக்கு பின் உங்கள் நிறுவன சாப்பாடு சூப்பர் என்பார். நல்ல ருசி என்பதால் நான் மூன்று முறை சாப்டேன் என்பார்😛🥰

நேற்று என்னை கண்டதும் நல விசாரிப்புக்கு பின் இந்த  நிலையிலும் உன்னால் எப்படி முடிகின்றது என்று ஆச்சரியப்படடார். எந்த நிலை வந்தாலும் முடியாது என்று முடங்கி விடாமல் முடியும் எனும் சுய முயற்சி இருந்தால் முடியும் தானே டாக்டர் என்றேன்❣️😍 ( டாக்டர்க்கே டாக்டர் 🤣) 

ஆமாம்...பல முடியாமைகளுக்கு  💊 என்னால் முடியும் எனும் நம்பிக்கை தான் இது வரை உடன் பயணித்திருக்கின்றது. 

இனியும்...... வானம் என்ன வானம் தொட்டு விடலாம்..💃💃🪂🪂

இந்த பதிவோடு சிறு ஓய்வுக்கு செல்கின்றேன். ( நாள்கள், வாரங்கள் குறித்து எனக்கு தெரியாது) என்னை காணவில்லை எனும் என் நலன் விரும்பிகளுக்கு  Inbox யிலும் பதில் தர முடியுமா என்றும் தெரியாது என்பதால்..🌺🌹🌻🙏

சின்ன இடைவேளைக்கு பின் மீண்டும் இங்கே தொடர்வேன். 

உங்கள் நிஷா❤️



Video காட்சி படுத்தல் by me 😎

Video& பாடல் இணைப்பு & editing 

Thank you Mohamed Musammil😇

19 ஜூலை 2020

உளவியல் ஆலோசனை சொல்வோர்..!

உளவியல் ஆலோசனைகளுக்கு முக்கிய அடிப்படை கட்டுப்பாடு இரகசியம் காப்பது..  பெயர் சொல்லாமல் என்னுடன் பேசிய ஒருவருக்கு இப்படி பிரச்சனை .. இப்படி ஆலோசித்தேன்... அறிவுரைத்தேன் என எழுதி ... அதன் மூலம் தன் மீதான பிம்பத்தை பெரிதாக உருவாக்கும் சுய விளம்பர பிரியர்கள் அதிகமாக உலவுகின்றார்கள். 

( ஆலோசனை கேட்கும் நபரும் நண்பர் லிஸ்ட் என்பதை மறந்து  அவர் பெயர் சொல்லாமல் எழுதினாலும் அவருக்கு தன் பிரச்சனை இப்படி பொதுவில் பேசு பொருளானது ..   இனி மேல்  தனது பிரச்சனை, கவலையை இன்னொருவரிடம் சொல்லி ஆலோசனை கேட்பதுக்கான 
நம்பிக்கையை தகர்க்கும், அந்த நபரை தெரிந்த வேறு நபர்கள் வாசிக்கும் போது இது இன்னாரின் பிரச்சனை என புரிந்து கொள்வர்..  )

உளவியல் ஆலோசனை சொல்வோர் அதுக்கு முன்மாதிரிகளாக வாழ்ந்து காடடனும் எனும் புரிதல் இல்லாமல் பலர் இவ்வாறான பதிவுகளுக்கு கிடைக்கும் பிம்பத்தை நம்பி வீட்டில் பூச்சி களாக விழுந்து சிக்கலை தேடி கொள்கின்றார்கள். அவர்களின் பதிவுகளை, commentகள் வாசித்தால் 90 % அரசியல் வாதிகள் ரேஞ்சில் புகழ் மாலை ஆஹா.. ஓஹோ என்றிருக்கும்.. தவிர அவர் பகிர்ந்த விடயம் சார்ந்து இன்னொருவர் கேட்கும் ஆலோசனைகளுக்கு பதில் இருக்காது. இங்கே தங்களை உளவியல் ஆலோசகராக வெளிப்படுத்தும் பலரும் இன்னொரு நபரின் பிரச்சனைக்கு வழிகாட்டும், ஆலோசனை சொல்லும் முன்மாதிரிகளாக இல்லை.. உளவியல் ஆலோசனை செய்வதற்குப்படித்த பலருக்கு அத்தகைய நான் பார்த்தளவில் உளவியல் ஆலோசனை செய்வதற்குப்படித்த பலருக்கு அத்தகைய ஆலோசனை அவசியமாக உள்ளது என்பதே கசப்பான உண்மை😞

கவுன்சிலிங் தவறில்லை.. எல்லோருக்கும் ஒரே மாதிரியான வாழ்க்கை இல்லை .   பலருக்கு  எதோ ஒரு வகையில் ஆறுதல், அன்பு, ஆலோசனை தேவை படுகின்றது.. அதை யாரிடம் பெற்று கொள்கின்றோம் என்பதில் தான் கவனமாக இருக்கணும். மன அழுத்தத்துக்கான கவுன்சிலிங் குறித்து நானும் எழுதி இருக்கேன்.. ( ஒரு நிறுவனத்தின் நிர்வாக மேலாண்மையில் சக மனிதர்களை உளவியல் சார்ந்து அணுகும் முறையையும் சேர்த்தே கற்று கொள்ளவேண்டும்.. அவ்வாறான அனுபவத்தை பகிர்ந்துள்ளேன் ( என்னிடம் பேசுங்கள் என்று சொல்லவில்லை.. அது என் வேலையும் இல்லை ) 

எங்கள் சமூகம் எதிர்கொள்ளும் மிகப்பெரிய சிக்கலாக இது இருக்கின்றது. தற்கொலை, கொலை என அதிகரித்து வருகின்றது. உலகளவில் நடக்கும் தற்கொலைகளில் பெரும்பான்மை டிப்ரேஸிவ் மன அழுத்தத்தினால் என்கின்றது மருத்துவ அறிவியல் ஆய்வுகள்.. நாலு சுவற்றுக்குள், வீட்டுக்குள் அடைபட்டு வாழும் வெளி நாட்டு வாழ் மக்களுக்கு இணையதளத்தில் எழுதுவது, கிடைக்கும் கமெண்ட், நண்பர்களின் பாராட்டு ஊக்குவிய்ப்புகள் மன அழுத்தத்துக்கு வடிகாலாக இருக்கின்றது. அதே நேரம் மன அழுத்தத்தால் பாதிக்கப்படட நபருடன் மட்டும் பேசி ஆலோசனை சொல்லி அவர்களை மாற்றி விடலாம் என ...... ஒவ்வொரு பிரச்சனைக்கு பின்னும்  உங்களுக்கு மனம் விட்டு பேச யாரும் இல்லை என்றால் என்னுடன் பேசுங்கள், பேசினால் சரியாகும் என்பது போன்ற பதிவுகள் தவறானது. 

மன அழுத்தத்துக்கு கவன்சிலிங் தேவை ....  ஆனால் அது நேரடி மன நல மருத்துவர் மற்றும் மருத்துவர் உடன் இணைந்து பாதிக்கப்படும் நபர், குடும்ப உறவுகள், நண்பர்கள், வேலை செய்யும் இடத்து மேலதிகாரிகளுடன் பேசி அனைவர் ஒத்துழைப்புடன்  பேசி.. பேச விட்டு உள்ளத்திலிருக்கும் அழுத்தத்தை ஒன்று மில்லை என மீட்டு எடுக்கும் முயற்சியாக இருக்கணும். 

பிரச்சனை இல்லை என மூடி மறைக்காமல் தீர்வுகளை தேடுவது முக்கியம்.. Face  book  மூலம் கிடைக்கும் தீர்வுகள்  நிரந்தரமில்லை எனும் உணர்தல் அதை விட முக்கியம்.

Nisha



18 ஜூலை 2020

ஆடிக்கூழின் வாசம்...!

ஆடிக்கூழ் ..🥣🥣

ஆடி வெள்ளி தேடி உன்னை 
நானடைந்த நேரம் 
கோடி இன்பம் நாடி வந்தேன் 
ஆடிக்கூழின் வாசம்.. 

ஆடிப்பிறப்பில் கூடி 
ஆடி,ஓடி விளையாடி 
இடித்துப் புடைத்து வறுத்த பயறை  
நீருள் அமிழ்த்தி  அவித்து,
தீட்டிய  தவிட்டு பச்சை அரிசி 
இடித்து தூளாக்கி, மாவாக்கி 
அரித்து  வறுத்து  
தேங்காய்ப்பாலில் கரைத்து 
அவியும் பயறுடன் கலந்துழாக்கி  
அடி கருகாமல் கிண்டி கிளறி 
பனங்கட்டி, தேங்காய் சொடடை
சில்லுகளாக வெட்டி கலந்து 
உப்பும், மிளகும், சீரகமும் பதமாய் சேர்த்து 
பக்குவமாய் இறக்கி வைத்தேன்..! 

ஊரை நாடி, உறவைத் தேடி 
ஊரோடு உறவாடி 
பாடிக்களித்து பரவசமாகி 
ஆடிக்கூழ்  குடிக்க வாரீரோ..?